ގިނަ އިސްލާމީ ގައުމުތަކު ވެރިން ފަސްޖެހުނަސް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ގެންދަވަނީ ފަލަސްތީނުގެ ހައްގުގަައި ވަކާލާތު ކުރަށްވަމުންކަމަށް ހުޅުމާލެ އުތުރު ދާއިރާގެ މެންބަރު ހުސެން ޝަރީފް ވިދާޅުވެއްޖެއެވެ.

ހުސެން ޝަރީފް މިހެން ވިދާޅުވީ، އެކްސްގައި ކުރެއްވި ޕޯސްޓެއްގައެވެ.

Ad by Hajj Corporation

ރައީސުލްޖުމްހޫރިއްޔާ މިއަދު ވަނީ ފަލަސްތީނުގެ ރައީސް ޑރ. މަޙްމޫދު ޢައްބާޞްއާ ބައްދަލުކުރަށްވާފައެވެ.

މި ބައްދަލުވުމުގައި ރާއްޖެއިން ފަލަސްތީނާއެކު ސާބިތުވެ ތިބޭނެކަމުގެ ޔަޤީންކަން ތަކުރާރު ކުރެއްވިއެވެ. އަދި ފަލަސްތީނާ ދެކޮޅަށް ހިންގާ ހަނގުރާމަ ހުއްޓުވުމަށް އެއްބާރުލުން ދިނުމަށް ބައިނަލް އަގްވާމީ މުޖުތަމައަށް ވަނީ ގޮވައިލަށްވާފައެވެ.

ރައީސުލްޖުމްހޫރިއްޔާ މިއަދު ފަލަސްތީނުގެ ރައީސް ޑރ. މަޙްމޫދު ޢައްބާޞްއާ ބައްދަލުކުރެއްވުމުގެ ފޮޓޯ އެއް އެކްސްގައި ހިއްސާ ކުރަށްވަމުން މެންބަރު ހުސެން ވިދާޅުވީ، ބައިނަލްއަޤްވާމީ މަސްރަޙުގައި، ފަލަސްތީނުގެ އަޚުންނާއި އުޚުތުންގެ ޙައްޤުތަކަށް އަޑުއުފުލުމުގައި ގިނަ އިސްލާމީ ޤައުމުތަކުގެ ވެރިން ފަސްޖެހިފައިވާ ދަނޑިވަޅެއްގައި، ފަލަސްތީނުގެ މިނިވަންކަމަށް ހަރުދަނާކަމާއެކު ވަކާލާތުކުރައްވަމުން ގެންދަވަނީ ދިވެހީންގެ ރައީސް ޑރ. މުޢިއްޒު ކަމަށެވެ.

ރައީސް މުޢިއްޒުއަކީ ދިވެހި ރައްޔިތުން ފަޚުރުވެރިވާ ޤައުމީ ލީޑަރެއް ކަމަށް ހުސެން ޝަރީފް ވަނީ ވިދާޅުވެފައެވެ.