ޓެކްސް ބޮޑުކުރަންޖެހުނީ ނިމުނު ސަރުކާރުން ''އަޅާފައިވާ ޅަ އެއްޗެހި'' ގިނަކަމުންކަމަށް ހުޅުމާލެ އުތުރު ދާއިރާގެ މެންބަރު ހުސެން ޝަރީފް ވިދާޅުވެއްޖެއެވެ.

މެމްބަރު ހުސެން މިހެން ވިދާޅުވީ، މިއަދުގެ މަޖިލީހުގެ ޖަލްސާގައި މުދަލާއި ޚިދުމަތުގެ އަގުން ޓެކްސް ނެގުމުގެ ޤާނޫނަށް ހުށަހަޅާފައިވާ އިސްލާހްގެ ބިލަށް ވާހަަކަ ދައްކަވަމުންނެވެ.

Ad by Hajj Corporation

ހުސެން ވިދާޅުވީ، އެ ވާހަކަ ދައްކާއިރު، ޓެކްސް ބޮޑުކުރެވިގެން ދަނީ ކީއްވެގެންތޯ ވިސްނާލަންޖެހޭ ކަމަށެވެ.

''އާދެ ދިވެހިރާއްޖެ އިގްސާދީ ގޮތުން ބަރޯސާވެފައި ވަނީ ޓޫރިޒަމްއަށް، ރާއްޖޭގެ ޓޫރިޒަމް ސެކްޓަރ ހިނގަމުން ދަނީ ކިހިނެތްތޯ ވެސް ބަލައިލަންޖެހޭ، ރާއްޖެއަށް ވަންނަންޖެހޭ ފައިސާ ވަންނަންޖެހޭ މަގުތަކުން ރާއްޖެއަށް ވަދެފައި އޮތްތޯ ވެސް ބަލައިލަންޖެހޭ، ޓެކްސް ދަނީ ކިހިނެތްތޯ ބަލައިލަންޖެހޭ، މި ފައިސާ ރާއްޖެއަށް ނުވަންނަގޮތަށް ނިޒާމް ބައްޓަންވެފައި އޮތުމުގެ ސަބަބުން އަޅުގަނޑުމެން މި ޓެކްސް ބޮޑުކުރަންޖެހެނީ'' ހުސެން ވިދާޅުވިއެވެ.

ހުސެން ވިދާޅުވީ، މި ސަރުކާރު ރައްޔިތުން އިންތިޚާބު ކުރުމަށްފަހު ރައްޔިތުން ހަވާލުވިއިރުގައި ދައުލަތް އޮތް ހާލަތު ވެސް ބަލަންޖެހޭކަމަށެވެ.

ހުސެން ވިދާޅުވީ ކޮންމެ ވެރިޔަކު ވެސް ވެރިކަމާއި ހަވާލުވަނީ ރައްޔިތުންނަށް އަސާސީ ޚިދުމަތް ހޯދައިދީ، ރައްޔިތުންނަށް ފާހަގަތިކަން ހޯދައިދޭން ކަމަށެވެ.

''ތާރީޚަށް ބެލުމުން އިނގެނީ ޓެކްސް ބޮޑުކުރަން ޖެހެނީ ނިމިދިޔަ ސަރުކާރުން ދައުލަތް ހިންގުމުގައި އަޅާފައިވާ ޅަ އެއްޗެހި ގިނަކަމުން މި ދައުލަތް ހިންގައި ގަތުމަށް އެއްވެސް ގޮތަކަށް ފުރުސަތެއް ނެތްކަން، އެކަން އެބަހާމަވޭ'' ހުސެން ވިދާޅުވެފަވެއެވެ.