logo
ކުޅިވަރު

އެޓޯލް ޗެމްޕިއަންޝިޕްގައި ބައިވެރިވުމުގެ ފުރުސަތު ހުޅުވާލައިފި

މުހައްމަދު މޫސާމުހައްމަދު މޫސާ
17 އޯގަސްޓު 2025 - 16:29
އުތުރު ރީޖަންގެ ކުޅުދުއްފުށީ ސިޓީގެ ޒޯން ސްޓޭޑިއަމް، ފޮޓޯ: ސްޕޯޓްސް މިނިސްޓްރީ
އުތުރު ރީޖަންގެ ކުޅުދުއްފުށީ ސިޓީގެ ޒޯން ސްޓޭޑިއަމް، ފޮޓޯ: ސްޕޯޓްސް މިނިސްޓްރީ

އަންނަ އަހަރު އަމަލުކުރަން ފަށާ ދިވެހި ޕްރިމިއާ ލީގުގެ އާ ފޯމެޓްގައި ރަށްރަށުގެ ޓީމުތަކަށް ޖާގަ ދިނުމުގެގޮތުން ކުޅޭ ކޮލިފައިންގެ ފުރަތަމަ މަރުހަލާ, އެޓޯލް ޗެމްޕިއަންޝިޕްގައި ބައިވެރިވުމުގެ ފުރުސަތު ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އިން ރާއްޖޭގެ ހުރިހާ ރަށަކަށް ހުޅުވާލައިފައެވެ.

އެފްއޭއެމުން މިއަދު ގެޒެޓްގައި ކުރި އިއުލާނުގައިވާ ގޮތުން، މި ޗެމްޕިއަންޝިޕްގައި ވާދަކުރުމަށް އެދޭ ފަރާތްތަކުން އަންނަ މަހުގެ އެއްވަނަ ދުވަހުގެ ކުރިން [email protected] އަށް މެއިލް މެދުވެރިކޮށް ފޯމު ހުށަހަޅަން ޖެހޭނެއެވެ.

Ad by Hajj Corporation

Ad by Hajj Corporation

ރާއްޖެ ބަހާލެވުނު ސަރަހައްދުތައް

މި މުބާރާތަށް ރާއްޖެ ވަނީ ހަތަރު މައި ސަރަހައްދަކަށް ބަހާލާފައެވެ. އެއީ އުތުރު ރީޖަން، ސެންޓްރަލް ރީޖަން، ދެކުނު ރީޖަން އަދި މާލެ ރީޖަނެވެ. މާލެ ރީޖަން ފިޔަވައި އެހެން ސަރަހައްދުތަކުގައި ކޮލިފައިން މަރުހަލާ ފަށާނީ އެޓޯލް ޗެމްޕިއަންޝިޕުންނެވެ. މި ގޮތުން އުތުރު ރީޖަންގެ މުބާރާތްތައް އޮކްޓޯބަރު 1 އިން ނޮވެމްބަރު 30 އަށް ކުރިއަށްދާއިރު، ސެންޓްރަލް ރީޖަންގެ މުބާރާތްތައް ނޮވެމްބަރު 15 އިން ޑިސެމްބަރު 30 އަށް ކުރިއަށްދާނެއެވެ. އަދި ދެކުނު ރީޖަންގެ މުބާރާތްތައް ޑިސެމްބަރު 1 އިން އަންނަ އަހަރުގެ ފެބްރުއަރީ 15 އަށް ކުރިއަށްދާނެއެވެ.

މުބާރާތް ކުރިއަށްދާނެ ގޮތް

އެފްއޭއެމުން ގެޒެޓްގައި އެޓޭޗްކޮށްފައިވާ މުބާރާތުގެ އޮނިގަނޑުގައިވާ ގޮތުން، އަތޮޅު މުބާރާތް ބާއްވާނީ ކޮންމެ އަތޮޅެއްގެ ވެސް އެއް ރަށެއްގައި ނުވަތަ ރަށްތަކެއް ގުޅިގެން ހޯސްޓް ކުރާ އުސޫލުންނެވެ. ކޮންމެ އަތޮޅެއްގެ ޗެމްޕިއަން ޓީމާއި ރަނަރަޕް ޓީމު ކޮލިފައިވާނީ އެ އަތޮޅެއް ނިސްބަތްވާ ސަރަހައްދެއްގެ ސަބް ޒޯނަށެވެ. މި ގޮތުން ކޮންމެ މައި ސަރަހައްދެއްގައި ދެ ސަބް ޒޯން ހިމެނެއެވެ.

 ތިން ސަރަހައްދު ޒޯންތައް ބަހާލާފައިވާ ގޮތް:

- އުތުރު ރީޖަންގެ ޒޯން 1: ހއ. ހދ. އަދި ށ.

- އުތުރު ރީޖަންގެ ޒޯން 2: ނ. ރ. ބ. އަދި ޅ.

- ސެންޓްރަލް ރީޖަންގެ ޒޯން 1: ކ. އއ. އަދި އދ.

- ސެންޓްރަލް ރީޖަންގެ ޒޯންގެ 2: ވ. މ. ފ. އަދި ދ.

- ދެކުނު ރީޖަންގެ ޒޯންގެ 1: ތ. ލ. އަދި ގއ.

- ދެކުނު ރީޖަންގެ ޒޯންގެ 2: ގދ.، ފުވައްމަލަށް އަދި އައްޑޫ

 

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ނިއުގެ ހަގީގީ މަގާމަށް ވާސިލްވުމަށް ކުރާ ދަތުރުގެ ޕާޓްނަރަކަށް މެންދުރުޓީވީކުޅިވަރު | 4 ދުވަސް ކުރިންގައުމީ ޓީމުގެ ކޯޗުކަން މޯހަން އަށްކުޅިވަރު | 10 ދުވަސް ކުރިންފުޓްބޯޅައިގެ އަލިމަސް ޔޫބީލުގެ ލޯގޯއާއި ބްރޭންޑިން ފަރުމާކުރުމަށް ހުޅުވާލައިފި ކުޅިވަރު | 10 ދުވަސް ކުރިންރާއްޖޭގެ ފުޓުބޯޅައިގެ އަލިމަސްޔޫބީލް ފާހަގަކުރުމުގެ ގޮތުން 75 ހަރަކާތެއް ކުރިއަށް ގެންދިޔުމަށް ނިންމައިފިކުޅިވަރު | 11 ދުވަސް ކުރިން