ނިސްބަތުން ގައުމު ކުޑަވެފައި މީސްކޮޅު މަދު ނަމަވެސް ދުނިޔޭގެ ފެންވަރުގައި ދިވެހީންގެ އަޑު މަޑުނޫންކަން ދުނިޔޭގެ އެންމެ އުސް ސްޓޭޖުގައި ހުންނަވައިގެން ދިވެހީންގެ ރާއްޖޭގެ ރައީސް މުހައްމަދު މުއިއްޒު ސާބިތުކޮށްދެއްވައިފި ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.

އަބްދުއްރަހީމް މިހެން ވިދާޅުވީ އދގެ 79 ވަނަ އާއްމު މަޖިލީހުގައި ރައީސް ކުރެއްވި ތަގުރީރާއި ގުޅުވާފައެވެ. މީގެ އިތުރަަށް ރައީސްފެ ހަރުދަނާ ސިޔާސަތާއި މާދަމާއަށް ކުރައްވާ އުންމީދާއި ދުނިޔެ މިއަދު ކުރިމަތިލާންޖެހިފައިވާ ބޮޑެތި މައްސަލަތަކަށް އަލި އަޅުވާލެއްވީ ހުއްޖަތާ ދަލީލުތައް ދައްކަވާ ދިވެހީން ފަޚުރުވެރިކުރުވަމުން ކަމަށް ވެސް އަބްދުއްރަހީމްވަނީ ފާޙަގަކޮޮށްފައެވެ.

Ad by Hajj Corporation

ރައީސްގެ ގެ ތަގުރީރުގައި ވިދާޅުވީ 2040 ވަނަ އަހަރު ފުރިހަމައަށް ތަރައްޤީވެފައިވާ ޤައުމެއްގެ ގޮތުގައި ދިވެހިރާއްޖެ ދެކެން ބޭނުންވާ ކަމަށާއި އެއީ އަމާޒެއް ކަމަށެވެ. ދުނިޔެ މިހާލަތުގައި އޮތްއިރުވެސް ގިނަ ގައުމްތަކުގެ ސަމާލުކަން ނުލިބޭ ކަމަށާއި ދުނިޔެއަށް މިހާރު މިދިމާވެފައިވާ ހާލަތުން އަރައިގަންނަން ހުރިހާ ގައުމްތަކަކުން މަސައްކަތް ކުރައްވަން ޖެހޭނެކަމަށް ވެސް ރައީސް ވަނީ ވިދާޅުވެފައެވެ.

ރައީސް ވަނީ ޗާޓެއްގެ ޒަރިއްޔާއިން ދުނިޔޭގެ ގައުމްތަކުގެ ހާލަތު ބަޔާންކޮށްދެއްވާފައެވެ.