logo
ޚަބަރު

ގޮނޑި ގެެއްލުނު މައްސަލައިގައި ދައުވާކުރިނަމަ ރައީސް ޔާމީންގެ ޖާނާއި މާލުން ބަދަލުދޭންޖެހުނީސް: މެމްބަރު ލަތީފް

އާމިނަތު ޝަފާ
26 އޯގަސްޓު 2025 - 10:31
ދިއްދޫ ދާއިރާގެ މެމްބަރު އަބުދުއްލަތީފް މުހައްމަދު
ދިއްދޫ ދާއިރާގެ މެމްބަރު އަބުދުއްލަތީފް މުހައްމަދު

ކުރީގެ ރައީސް އަބްދުﷲ ޔާމީންގެ ވެެރިކަމުގައި ރައްޔިތުންގެ މަޖިލީހުގެ 12 މެމްބަރެއްގެ ގޮނޑި ގެއްލުނު މައްސަލައިގައި އެމަނިކުފާނުގެ މައްްޗަށް ދައުވާކުރިނަމަ ޔާމީންގެ ޖާނާއި މާލުން އެ 12 މެމްބަރުންނަށް ބަދަލުދޭންޖެހުނީސްކަމަށް ދިއްދޫ ދާއިރާގެ މެމްބަރު އަބުދުއްލަތީފް މުހައްމަދު ވިދާޅުވެއްޖެއެވެ.

މެންދުރު ޓީވީން ހުކުރު ދުވަހުގެ ރޭ ގެނެސްދިން ’’ޖަވާބުދާރީ’’ ޕްރޮގްރާމްގައި 12 މެމްބަރުންގެ ގޮޑި ގެއްލުނު މައްސަލައިގެ ބަދަލު ހޯދުމަށް ރައީސް ޔާމީނަށް ދައުވާކުރުމުގެ ވިސްނުން ގެންގުޅުއްވަންތޯ ކުރި ސުވާލަށް ދެއްވި ޖަވާބުގައި މެމްބަރު ލަތީފް ވިދާޅުވީ ކުރިން އެފަދަ ވިސްނުމެއް ގެންގުޅުއްވިކަމަށާއި ނަމަވެސް ހުރިހާ މެމްބަރުން އިއްތިފާގުވެވަޑައިގަތީ އެ މައްސަލަ ދޫކޮށްލައި ގައުމައިގެން ކުރިއަށްދިއުމަށްކަމަށެވެ.

Ad by Hajj Corporation

Ad by Hajj Corporation

"އަޅުގަނޑުމެން ވިސްނީ އެކަން ދޫކޮށްލާފައި ގައުމައިގެން ކުރިއަށްދާން. ރައީސް ޔާމީންގެ މައްޗަށް ދައުވާ ކުރިނަމަ މިއަދު އަޅުގަނޑުމެންނަށް ޔާމީން އަތުގައިހުރި މުދާ ވިއްކާފައިވެސް ޖާނުން، މާލުން ބަދަލު ލިބުނީސް. އަޅުގަނޑުމެންގެ އަމިއްލަ ނަފްސުތަކާއި އާއިލާތަކަށް ލިބުނު އަނިޔާތަކަކީ ބޮޑެތި އަނިޔާތަކެއް. ޖަލަށް ލި، ގޮޅީގައި އަނިޔާދިން. އެއީ ޔާމީން ގަސްދުގައި ދިން އަނިޔާތަކެއް. އެކަމަކު އަޅުގަނޑުމެން ކެތްތެރިވީ، ބަދަލު ހިފަން ބޭނުން ނުވީ." ދިއްދޫ ދާއިރާގެ މެމްބަރު އަބުދުއްލަތީފް މުހައްމަދު

ރައީސް ޔާމީންގެ މައްޗަށް އެެއްވެސް ނަފްރަތެއް މިއަދު ނެތްކަމަށާއި އަދި މިހާރު ގޮޑި ގެއްލުނު މައްސަލައިގައި އިތުރަށް ދައުވާކުރުމުގެ ވިސްނުން ނުގެންގުޅުއްވާކަމަށް މެމްބަރު ވިދާޅުވިއެވެ.

ރައްޔިތުންގެ މަޖިލީހުގެ ކުރީގެ ރައީސް އަބްދުﷲ މަސީހުގެ އިތުބާރު ނެތް ކަމަށް 45 މެންބަރުންގެ ސޮޔާ އެކު މަޖިލީހަށް ފޮނުވީ ޖުލައި 3، 2017ގަ އެވެ. އެއީ މަޖިލީހުގެ ސާފު އަޣުލަބިއްޔަތަށް ވުރެ ވެސް ގިނަ އަދަދެއްގެ މެމްބަރުން ކަމަށްވާތީ، އެ މައްސަލަ މަޖިލީހަށް އެޖެންޑާ ކުރުމުގެ ކުރިން، އޭގެ ތެރެއިން ބައެއް މެންބަރުން މަޖިލީހުން ވަކި ކުރުމަށް ސަރުކާރުން ނިންމި އެވެ. އެއީ އެފަދަ މައްސަލަތައް މަޖިލީހަށް ހުށަހެޅުމަށް ބޭނުންވާ ގާނޫނީ އަދަދު ހަމަނުވާ ކަމަށް ބަލައި، އެ މައްސަލަ އެޖެންޑާ ނުކޮށް ބޭރު ކޮށްލުމެވެ.

12 މެމްބަރުން، ޖުލައި 13، 2017 ގެ ކުރިން ޕާޓީން ވަކިވެފައި ވިޔަސް، އިތުބާރު ނެތް ކަމުގެ މައްސަލަ އިން މަސީހު ސަލާމަތް ކުރުމަށްޓަކައި، ސަރުކާރާއި ރައްޔިތުންގެ މަޖިލީހާއި ޕީޕީއެމާއި އިލެކްޝަންސް ކޮމިޝަން ގުޅިގެން ނިންމީ، އެ 12 މެމްބަރުން މަޖިލީހުން ވަކިވެއްޖެ ކަމަށް ކަނޑައެޅުމަށެވެ.

ނަމަވެސް މަސީހުގެ އިތުބާރު ނެތް ކަމަށް ހުށަހެޅި މައްސަލައިގައި ސޮއިކުރި 12 މެމްބަރަކު މަޖިލީހުން ވަކިވެފައިވާ ކަމަށް އިލެކްޝަންސް ކޮމިޝަނުން ކަނޑައެޅި ކަނޑައެޅުން ސުޕްރީމް ކޯޓުން ވަނީ ބާތިލުކޮށްފައެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ގޮނޑި ގެެއްލުނު މައްސަލައިގައި ދައުވާކުރިނަމަ ރައީސް ޔާމީންގެ ޖާނާއި މާލުން ބަދަލުދޭންޖެހުނީސް: މެމްބަރު ލަތީފްޚަބަރު | 3 ދުވަސް ކުރިންޔާމީނަށް ‘’ހުރިހާ މީހަކީ ވެސް ޔާމީން’’: ލަތީފްޚަބަރު | 6 ދުވަސް ކުރިންވިލާއަތުން ކާޑެއްދޫ އެއާޕޯޓު ނަގަން ބަދަލުގެ ގޮތުގައި 18.5 މިލިއަން ދެނީޚަބަރު | 7 ދުވަސް ކުރިންޔާމީންގެ އިތުރު އިއުތިރާފެއް: "ހުރިހާ ވައްކަމެއް ކުރީ އަޅުގަނޑު"ޚަބަރު | 7 ދުވަސް ކުރިން