ކާބޯތަކެތީގެ ރައްކާތެރިކަމުގެ ޤާނޫނުގެ ދަށުން "މޯލްޑިވްސް ފުޑް އެންޑް ޑްރަގް އޮތޯރިޓީ" މިއަދު ގާއިމުކުރައްވައި، އެ އިދާރާއަކީ މިނިސްޓްރީ އޮފް ހެލްތުގެ ދަށުން ހިންގަމުންދާ ތަނެއްގެ ގޮތުގައި ރައީސުލްޖުމްހޫރިއްޔާ ހަމަޖައްސަވައިފިއެވެ.

މިކަން އިޢުލާނުކުރައްވައި ނެރުއްވި ދެންނެވުމެއްގައި ވިދާޅުވީ، ރައީސުލްޖުމްހޫރިއްޔާ، މޯލްޑިވްސް ފުޑް އެންޑް ޑްރަގް އޮތޯރިޓީ ގާއިމުކުރެއްވުމާ ގުޅިގެން، މިހައިތަނަށް މިނިސްޓްރީ އޮފް ހެލްތުގެ ދަށުން ހިނގަމުންއައި، މޯލްޑިވްސް ފުޑް އެންޑް ޑްރަގް އޮތޯރިޓީ މިއަދުން ފެށިގެން ވަނީ އުވައިލައްވާފައިވާ ކަމަށެވެ.

ދައުލަތުގެ އިދާރާތަކުން މޯލްޑިވްސް ފުޑް އެންޑް ޑްރަގް އޮތޯރިޓީއަށް ލިޔުއްވާ ސިޓީގައި ޖައްސަވަމުން ގެންދަވާނީ، ކާބޯތަކެތީގެ ރައްކާތެރިކަމުގެ ޤާނޫނަށް ޢަމަލުކުރަން ފެށުމުގެ ކުރިން މިނިސްޓްރީ އޮފް ހެލްތުގެ ދަށުން ހިނގަމުންއައި، މޯލްޑިވްސް ފުޑް އެންޑް ޑްރަގް އޮތޯރިޓީއަށް ހަމަޖައްސަވައިފައިވާ ނަންބަރު 182 ކަމަށްވެސް ރައީސް އޮފީހުން ނެރުއްވި ދެންނެވެމުގައިވެއެވެ.

މޯލްޑިވްސް ފުޑް އެންޑް ޑްރަގް އޮތީރިޓީ މިއަދު ގާއިމްކޮށްފައިވާއިރު، އަލަށް އަމަލުކުރަންފެށި ޤާނޫނާއެކު އެމްއެފްޑީއޭއަށް ގިނަ ބާރުތަކެއްވެސް ލިބިދެއެވެ.

އެގޮތުން ކާބޯތަކެތި އުފައްދާ، ވިއްކާ، އަދި ގުދަންކުރާ ތަންތަން ބަލައި ފާސްކުރުމާއި، މިންގަނޑަށް ނުހުންނަ ތަންތަނަށް ފިޔަވަޅު އެޅުމުގެ ބާރުގެ އިތުރުން ޤާނޫނު ތަންފީޒުކުރެވޭ މިންވަރު ބަލައި މޮނިޓަރކުރެވޭ ނިޒާމެއް ޤާއިމުކުރުމުގެ ބާރުވެސް އެއިދާރާއަށް ލިބިދެއެވެ.

މިއަދު އަމަލުކުރަން ފަށާފައިވާ އެ ގާނޫނުގައިވާ ގޮތުން ވިޔަފާރީގެ ގޮތުގައި ބަލާނީ ކާާބޯތަކެތި އުފެއްދުމާއ،ި ތައްޔާރުކުރުމާއ،ި ވިއްކުމާއ،ި އިމްޕޯޓުކުރުމާއ،ި އެކްސްޕޯޓުކުރުމާއ،ި ރައްކާކުރުމާއި، ފޯރުކޮށްދިނުމާ، ބަންދުކުރުމުގެ އިތުރުން ކާބޯތަކެތި ހަދިޔާކުރުމެވެ.

ގާނޫނުގައިވާ ގޮތުން ރަޖިސްޓްރީނުކޮށް އެ ވިޔަފާރިކުރާ ކޮންމެ ފަރާތެއްގެ އަދަބަކ،ީ ކުޑަބޮޑުމިނަށް ބަލައ،ި 10,000ރ އާއި 500,000ރ އާ ދެމެދުގެ އަދަދަކުން ޖޫރިމަނާކުރާނެ އެވެ.

އަދި ލައިސަންސް ހިފަހައްޓާފައި ވަނިކޮށް ނުވަތަ ބާތިލުކޮށްފައިވަނިކޮށް ކާބޯތަކެތީގެ ހިދުމަތް ދިނުމަކީވެސް ކުށެއް ކަމަށް އެ ގާނޫނުގަައި ވަނީ ބުނެފައެވެ. އެ ކުށުގެ ކުޑަބޮޑުމިނަށް ބަލައި 10،000ރ އާއި 1،000،000ރ ރުފިޔާއާ ދެމެދުގެ އަދަދަކުން ޖޫރިމަނާކުރެވޭނެ އެވެ.