logo
ޚަބަރު

ރައީސް ހާމަކޮށްދެއްވީ ބިލު ތަސްދީގުކުރައްވާނީ ރައްޔިތުންނަށް އެންމެ ލާބަހުރިގޮތަށްކަން: މެމްބަރު ފަލާޙް

ޢައްފާން މުޙައްމަދު
27 އޯގަސްޓު 2025 - 06:20
އިނގުރައިދޫ ދާއިރާގެ މެމްބަރު އިބްރާޙީމް ފަލާޙް--- ފޮޓޯ/ މަޖިލިސް
އިނގުރައިދޫ ދާއިރާގެ މެމްބަރު އިބްރާޙީމް ފަލާޙް--- ފޮޓޯ/ މަޖިލިސް

ތެލަސީމިއާ ކޮންޓްރޯލް ކުރުމުގެ ޤާނޫނަށް 1 ވަނަ އިޞްލާޙު ގެނައުމުގެ ބިލު ތަސްދީގުނުކުރައްވައި، ބިލާ މެދު ވިސްނުމަށް އެދި ރައީސް އެ ބިލު އަނބުރާ މަޖިލީހަށް ފޮނުވާލެއްވުމުން އެނގި ހާމަވަނީ، ރައީސުލްޖުމްހޫރިއްޔާ ޑރ. މުޙައްމަދު މުއިއްޒު އަކީ، ކަންކަން ކުރެއްވުމުގައި ވަރަށް މާތް މަގްސަދަކާއި ނިޔަތެއް ގެންގުޅުއްވާ ބޭފުޅެއްކަން ކަމުގައި ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އަދި ޕީއެންސީގެ ޕީޖީ ލީޑަރު އިބްރާޙީމް ފަލާޙް ވިދާޅުވެއްޖެއެވެ.

މި ބިލުގައި، އިތުރަށް ފުރިހަމަކުރަން ބޭނުންވާ ބައެއް ކަންކަން ހުރިކަމާއި، ދާއިރާގެ ތަޖުރިބާކާރުންގެ ބައެއް ހިޔާލުތައް ހުރީތީވެ އަލުން ބިލާމެދު ވިސްނުމަށް ރައީސް މި ބިލު މަޖިލީހަށް ފޮނުވާލެއްވުމާއެކު، މެމްބަރު އިބްރާހިމް ފަލާހު ހުށަހެޅުއްވީ ބިލަށް ގެންނަންޖެހޭ އިތުރު އިސްލާޙުތަކާ ގުޅޭގޮތުން ދިރާސާތައް ކުރުމަށްޓަކައި ކަމާ ގުޅުންހުރި ކޮމިޓީއަށް ބިލު އަނބުރާ ފޮނުވާލުމަށެވެ.

Ad by Hajj Corporation

Ad by Hajj Corporation

އެ ހުށަހެޅުމަށް ދިއްދޫ ދާއިރާގެ މެމްބަރު އަބްދުލް ލަތީފް މުހައްމަދު ވަނީ ތާއީދު ކުރައްވާފައެވެ.

ރައީސްގެ ނިންމުމަށް ތައުރީފުކުރައްވައި ފަލާޙް ވިދާޅުވީ، މިކަމުން ދައްކައިދެނީ މި ސަރުކާރަކީ، ހާއްސަގޮތެއްގައި ރައީސް ޑރ. މުއިއްޒުއަކީ، ކަންކަން ރަނގަޅުކުރުމުގެ ވަރަށް ހެޔޮ ނިޔަތް އޮތް، ވަރަށް މާތް މަޤްސަދު އޮތް ވެރިއެއްކަން ކަމަށެވެ.

މަޖިލީހުން ފޮނުވާހާ ގޮތަކަށް ރައީސް ބިލު ތަސްދީގުނުކުރައްވާނެކަން މިކަމުން ހާމަވާކަމަށް ވެސް މެމްބަރު ވިދާޅުވިއެވެ.

މީގެއިން މި ދައްކައިދެނީ، އަޅުގަނޑުމެންގެ މި ސަރުކާރަކީ، ހާއްސަގޮތެއްގައި ރައީސުލްޖުމްހޫރިއްޔާ ޑރ. މުޙައްމަދު މުއިއްޒުއަކީ، ކަންކަން ރަނގަޅު ކުރެއްވުމުގެ ވަރަށް ހެޔޮ ނިޔަތް، ވަރަށް މާތް މަޤްސަދު އޮތް ވެރިއެއްކަން. އަޅުގަނޑުމެން މި މަޖިލީހުން އަދި ފޮނުވާ ބިލެއްގައި، ފޮނުވާހާ ގޮތަކަށް އެމަނިކުފާނު ތަސްދީގުނުކުރައްވާނެކަން. އެކަމެއް އެންމެ ފުރިހަމަކޮށްފައި އެކަމެއް އޮންނަ އެންމެ ރަނގަޅަކަށް ކޮންމެ ކަމެއް ވެސް ކުރައްވާނެކަން - ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާޙީމް ފަލާޙް

ރައްޔިތުންގެ މަޖިލީހުން އަލުން ވިސްނާވަޑައިގަތުމަށް އެދިވަޑައިގެން، ތެލަސީމިއާ ކޮންޓްރޯލްކުރުމުގެ ޤާނޫނަށް 1 ވަނަ އިޞްލާޙު ގެނައުމުގެ ބިލު ރައްޔިތުންގެ މަޖިލީހަށް އަނބުރާ ފޮނުވާލައްވާފައި ވަނީ މި މަހުގެ 21 ވަނަ ދުވަހުއެވެ.

މި ބިލަކީ، މި މަހުގެ ހަވަނަ ދުވަހު އޮތް، ރައްޔިތުންގެ މަޖިލީހުގެ 2025 ވަނަ އަހަރުގެ ދެވަނަ ދައުރުގެ 22 ވަނަ ޖަލްސާއިން ފާސްކޮށް، ތަސްދީގު ކުރެއްވުމަށް ފޮނުއްވާފައިވާ ބިލެކެވެ.

މި ބިލު އަނބުރާ މަޖިލީހަށް ފޮނުއްވަން ރައީސް ނިންމެވީ، ބިލަށް އިތުރު އިޞްލާޙުތަކެއް ގެނައުމަށް މޯލްޑިވިއަން ބްލަޑް ސަރވިސަސް އާއި ތެލަސީމިއާ ބަލި ތަހައްމަލު ކުރަމުންދާ ފަރާތްތަކާއި އެ ފަރާތްތަކުގެ ޢާއިލާތަކުން ބައެއް ހުށަހެޅުންތައް ލިބިވަޑައިގެންފައިވާތީއެވެ.

Hajj Corpooration

Hajj Corpooration

ކޮމެންޓް

ގުޅުންހުރި ލިޔުންތައް

ދިވެހީންގެ މުސްތަޤްބަލުގައި ހަގީގީ ކުލަ ޖެއްސުމުގައި އިންޖިނޭރުންގެ ދައުރު ބޮޑު: ރައީސްޚަބަރު | 19 މިނިޓު ކުރިންރާއްޖޭގެ ފަތުރުވެރިކަން ކުރިއެރުވުމުގައި އެމްޔޫ މަނިކު ކުރެއްވި މަސައްކަތަށް ތައުރީފު ހައްގު: ރައީސްޚަބަރު | 37 މިނިޓު ކުރިންރައީސް ޝީގެ ދައުވަތަކަށް ރައީސް މުޢިއްޒު ޗައިނާ އަށްޚަބަރު | ގަޑިއިރެއް ކުރިންރައީސް މުއިއްޒު ހިމެނިވަޑައިގަންނަވާހެން ދުނިޔޭގެ ލީޑަރުން ޗައިނާއަށްޚަބަރު | 20 ގަޑިއިރު ކުރިން