މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ ބޯޑަށް ހަތަރު މެންބަރުން އައްޔަން ކުރެއްވުމަށް ރައްޔިތުންގެ މަޖިލީހުން ރުހުން ދީފިއެވެ.

އެގޮތުން، މުޙައްމަދު އިމްތިނާން ސަޢުދުﷲ، ހުޝާމް ވަހީދު، އިސްމާޢިލް ހަމްދޫން އަދި އަޙްމަދު ޢަލީ މީރާގެ ބޯޑަށް އައްޔަން ކުރެއްވުމަށް ވޯޓު ދެއްވި މެންބަރުންގެ އިއްތިފާގުން ވަނީ ފާސްކޮށްފައެވެ.

Ad by Hajj Corporation

މީރާގެ ބޯޑަށް މެންބަރުން އައްޔަން ކުރެއްވުމަށްޓަކައި ރައީސް ވަނީ މި މަހުގެ ހަތަރު ވަނަ ދުވަހު ބޭއްވި މަޖިލީހުގެ ޖަލްސާއަށް 14 ބޭފުޅެއްގެ ނަން ހުށަހަޅުއްވާފައެވެ. މި މައްސަލަ ދިރާސާކުރުމަށްފަހު އިގްތިސާދީ ކޮމިޓީން ވަނީ އޭގެ ތެރެއިން އަށް ބޭފުޅަކަށް 75 ޕަސެންޓަށްވުރެ މަތިން މާކްސް ދީފައެވެ.

މީރާގެ ބޯޑަށް މެންބަރުން އައްޔަންކުރާނީ ރައްޔިތުންގެ މަޖިލީހުން ނަން ފާސްކުރެއްވުމުން ރައީސުލްޖުމްހޫރިއްޔާއެވެ. މީރާގެ ބޯޑުގައި ޖުމްލަ ހަތް މެންބަރުން ހިމެނެއެވެ.