މިޞްރުގައި ރޭލެއް ފުރޮޅާލައި ތިން މީހުން މަރުވެ 103 މީހުންނަށް އަނިޔާވެއްޖެއެވެ.

މިޞްރުގެ ނޭޝަނަލް ރެއިލްވޭސް އޮތޯރިޓީން ބުނީ އެ ހާދިޘާ ހިނގާފައި ވަނީ އޮގަސްޓު މަހުގެ 31 ވަނަ ދުވަހު އެ ޤައުމުގެ މަތުރޫހު ޕްރޮވިންސުގައި ކަމަށެވެ. މަރްސާ މަތުރޫހުން ވެރިރަށް ކައިރޯއަށް ދަތުރުކުރި ރޭލު ފުރޮޅާލުމަށް މެދުވެރިވީ ރޭލު ދުއްވާ ޓުރެކުން ކަހައިލުމުގެ ސަބަބުންނެވެ. 

މިޞްރުގެ ޞިއްޙީ ވުޒާރާއިން ބުނީ ޒަޚަމްވި މީހުންނަށް އެކި ވަރުގެ އަނިޔާތައް ލިބިފައިވާ ކަމަށާއި، މަތުރޫހާއި އަވަށްެޓެރި ޕްރޮވިންސުތަކުގެ ހަސްފަތާލުތަކަށް އެ މީހުން ގެންގޮސްފައިވާ ކަމަށެވެ. ފަރުވާ ދިނުމަށް ފަހު 98 މީހުން މިހާރު ހަސްފަތާލުން ދޫކޮށްލާފައިވާ ކަމަށް ވެސް އެ ވުޒާރާއިން ބުނެފައިވެއެވެ.

މިޞްރުގެ ރޭލު ދުއްވާ މަގުތައް އިތުރަށް ތަރައްޤީ ކުރުމަށް އެ ޤައުމުން ފަހުގެ އަހަރުތަކުގައި ވަނީ އެތައް ބިލިޔަން ޑޮލަރެއް ޚަރަދުކޮށްފައެވެ. އެ ޤައުމުގެ ރޭލު ނިޒާމަކީ މެދުއިރުމަތީގެ އެންމެ ދުވަސްވީ ރޭލު ނިޒާމުތަކުގެ ތެރޭގައި ހިމެނޭ ނިޒާމެކެވެ.

Ad by Hajj Corporation