އިސްރާއީލާއި ހަމާސް އާ ދެމެދު ދެ ދުވަހަށް ހަނގުރާމަ ހުއްޓާލުމަށް، މިސްރުގެ ރައީސް އަބްދުލް ފައްތާހު އަލް ސީސީ ހުށަހެޅުއްވައިފިިއެވެ.

މި ހުށަހެޅުމަކީ މީގެ އަހަރެއްހާ ދުވަސް ކުރިން ޣައްޒާގައި ހިނގަމުންދާ ހަނގުރާމަ ހޫނުވި ފަހުން މިސްރުން އާންމުން އިސްނަގައިގެން ކުރިއަށް ގެންދާ ފުރަތަމަ ހުށަހެޅުމެވެ.

Ad by Hajj Corporation

އެ ދެ ދުވަހުގެ ތެރޭގައި ހަމާސްއިން ރަހީނުކޮށްފައިވާ އިސްރާއީލުގެ ހަތަރު ރަހީނުން މިނިވަކުރުމަށާއި ބަދަލުގައި އިސްރާއީލުގެ ޖަލުތަކުގައި ތިބި ފަލަސްތީނުގެ ބައެއް ގައިދީން މިނިވަން ކުރުމަށްވެސް މިސްރުން ހުށަހަޅާފައިވެއެވެ.

މިސްރުގެ ރައީސް އަބްދުލް ފައްތާހު އެކަން އިއުލާން ކުރެއްވީ ސީއައިއޭ އާއި އިސްރާއީލުގެ ޖާސޫސީ އިދާރާ، މޮސާދުގެ ޑިރެކްޓަރުން ބައިވެރިވެގެން ގަތަރުގައި ކުރިއަށްގެންދިޔަ ހަނގުރާމަ ހުއްޓާލުމުގެ މަޝްވަރާތަކުގެ ބައްދަލުވުމުގައެވެ.

މިސްރާއި، އެމެރިކާ އަދި ގަތަރު ގުޅިގެން އެ މަޝްވަރާތައް ކުރިއަށް ގެންދާތާ އަހަރަކަށްވުރެ ގިނަ ދުވަސްވެއްޖެއެވެ. ހަނގުރާމަ ދެ ދުވަހަށް މެދުކަނޑާލުމުގެ މަޝްވަރާތައް 10 ދުވަހުގެ ތެރޭގައި ފަށަން ޖެހޭނެ ކަމަށް ވެސް ސީސީ ވިދާޅުވިއެވެ.

އެ ހުށަހެޅުމަށް އިސްރާއީލުން އަދި ހަމާސްއިން ވެސް ވަކި އެއްޗެއް ބުނެފައެވެނުވެއެވެ.