މެންޗެސްޓަރ ޔުނައިޓެޑްގެ ބްރެޒިލް ވިންގަރ އެންތޮނީ ލަލީގާގެ ރިއަލް ބެޓިސްއަށް ބަދަލުވުމުގެ އެންމެހައި ކަންކަން ފުރިހަމަ ވެއްޖެއެވެ. މިގޮތުން ދެ ކުލަބުން 25 މިލިއަން ޔޫރޯ (21.65 މިލިއަން ޕައުންޑް) ގެ އެއްބަސްވުމަކަށް ވަނީ އެއްބަސްވެފައެވެ.

ކުރިން މި ޑީލް ނުވެ ދިޔައީ އެންތޮނީ ޔުނައިޓެޑްގައި އޮތް ކޮންޓްރެކްޓްގެ ބައެއް ފައިސާ ހޯދަން ބޭނުންވުމުގެ ސަބަބުންނެވެ. ނަމަވެސް ވޭތުވެދިޔަ ހަފްތާ ބަންދުގައި ކުރެވުނު މަޝްވަރާތަކަށްފަހު މިހާރުވަނީ އެއްބަސްވުމަކަށް އާދެވިފައެވެ. މި އެއްބަސްވުމުގެ ދަށުން ޔުނައިޓެޑަށް 22 މިލިއަން ޔޫރޯ (19.06 މިލިއަން ޕައުންޑް) އަދި އިތުރު 3 މިލިއަން ޔޫރޯ (2.59 މިލިއަން ޕައުންޑް) އެޑް-އޮންގެ ގޮތުގައި ލިބޭނެއެވެ.

Ad by Hajj Corporation

2022 ވަނަ އަހަރު އަޔަކްސް އިން 81.3 މިލިއަން ޕައުންޑަށް ޔުނައިޓެޑަށް ބަދަލުވި އެންޓޯނީ، ޕްރިމިއަރ ލީގުގައި 62 މެޗު ކުޅެ، 5 ލަނޑު ޖަހައި، 3 އެސިސްޓް ދީފައިވެއެވެ. މިދިޔަ ޖެނުއަރީ މަހު ބެޓިސްއަށް ލޯނުގައި ބަދަލުވި އޭނާ، އެ ކުލަބަށް ކުޅުނު 26 މެޗުގައި 9 ލަނޑު ވަނީ ޖަހާފައެވެ.

މި އެއްބަސްވުމުގައި 50 ޕަސެންޓްގެ ނެޓް ސެލް-އޮން ކްލޯޒްއެއް ހިމެނޭއިރު، ކުޅުންތެރިޔާއަށް އެއްވެސް ޕޭ-އޮފެއް ނުދޭ ގޮތަށް ވަނީ ހަމަޖެހިފައެވެ. އެންތޮނީ ސްޕެއިންގެ ކުލަބަށް ދާއިމީކޮށް ބަދަލުވިކަން މިއަދު (ހޯމަ) ރަސްމީކޮށް އިއުލާންކުރުމަށް ވަނީ ހަމަޖެހިފައެވެ.