މޯލްޑިވްސް ޕޯޓްސް ލިމިޓެޑް (އެމްޕީއެލްއިން) މިދިޔަހަފްތާގެ ތެރޭގައި 1،359 ކޮންޓެއިނަރުގެ މުދާ ހުސްކޮށްފިއެވެ.

އެމްޕީއެލްގެ ތަފާސް ހިސާބު ތަކުން ދައްކާ ގޮތުގައި، މިދިޔަ ހަފްތާގައި 1،359 ކޮންޓެއިނަރުގެ މުދާ ހުސްކުރިއިރު އޭގެ ތެރޭގައި 20 ފޫޓުގެ 553 ކޮންޓެއިނަރާއި، 40 ފޫޓުގެ 403 ކޮންޓެއިނަރު ހިމެނެއެވެ.

Ad by Hajj Corporation

އެގޮތުން، 14،540 ޕެކޭޖުގެ ބިސް، 11،617 ޕެކޭޖުގެ ފިޔާ، 5،415 ޕެކޭޖުގެ ކަރާ، 5،647 ޕެކޭޖުގެ އަލުވި އަދި 3،672 ޕެކޭޖުގެ ޓޮމާޓޯ ހިމެނެއެވެ. މީގެ އިތުރުން، 1،819 ޕެކޭޖުގެ އަލަނާސި، 2،157 ޕެކޭޖުގެ ކެބެޖް، 2،087 ޕެކޭޖުގެ ދޮންކެޔޮ، 806 ޕެކޭޖުގެ ބަރަބޯ އަދި 539 ޕެކޭޖުގެ ސްވީޓް މެލަން ވަނީ ކްލިއާކޮށްފައެވެ.

ކޮންމެ ހަފްތާއަކު އެއް ފަހަރު ކުންފުނިން ކުލިއާކުރާ މުދަލުގެ ހިސާބުތައް އެމްޕީއެލްއިން އަންނަނީ ހާމަކުރަމުންނެވެ.