ވޯލްޑްކަޕް ކޮލިފިކޭޝަންގެ ޔުއޭފާ ގްރޫޕް އީގައި ރޭގައި ސްޕެއިން ބަލްގޭރިއާގެ މައްޗަށް ފަސޭހަކަމާއެކު 3-0 އިން ކުރި ހޯދައިފިއެވެ.

މިމެޗު ފެށީވެސް ގޯލަކުންނެވެ. އެގޮތުން އެންމެ 5 މިނެޓުގައި ޒުބިމެންޑީގެ އެސިސްޓަކުން އޮޔަޒަބާލް ފުރަތަމަ ގޯލުޖަހާފައިވާއިރު، ދެވަނަ ގޯލު ކާމިޔާބުކޮށްދިނީ ކުކުރެލާއެވެ. ސްޕެއިނުގެ ފަހުގޯލަކީ ޔަމާލްގެ އެސިސްޓަކުން މިކެލް މެރީނޯ ޖެހި ގޯލެކެވެ.

Ad by Hajj Corporation

މިގްރޫޕްގައި ތުރުކިޔޭ ވެސް ވަނީ ޖޯޖިއާ 3-2 އިން ރޭގައި ބަލިކޮށްފައެވެ. މިއާއެކު މި ގްރޫޕްގެ އެއްވަނައިގައި ސްޕެއިން އޮތްއިރު، ދެވަނައިގައި އޮތީ ތުރުކިޔޭއެވެ.

މީގެއިތުރުން ރޭގައި ޖަރުމަނު ވަނީ ވޯލްޑްކަޕް ކޮލިފިކޭޝަން ގައި ރަށުން ބޭރުގައި ފުރަތަމަ ފަހަރަށް ބަލިވެފައެވެ. ރޭގައި ޖަރުމަނު ބަލިވެފައިވަނީ ސޮލަވާކިޔާ އަތުން 2-0 އިންނެވެ. އަދި މިމެޗާއެކު ޖަރުމަނު އެންމެ ފަހުން ކުޅުނު ހަތަރުމެޗުންވެސް މޮޅެއް ލިބިފައި ނުވާއިރު، ފަހުން ކުޅުނު ތިން މެޗުވެސް ވަނީ ބަލިވެފައެވެ. އެގޮތުން ނޭޝަންސް ލީގު ސެމީގައި ޕޯޗުގަލް އަތުން ބަލިވެފައިވާއިރު، ތިން ވަނަ ހޮވާ މެޗުގައި ފްރާންސް އަތުންވެސް ވަނީ ބަލިވެފައެވެ.