ކ. ހިންމަފުށީގައި ހުންނަ ޑްރަގް ޓްރީޓްމަންޓް އެންޑް ރިހެބިލިޓޭޝަން ސެންޓަރުގައި ފުލުހުން ހަރަކާތްތެރިވީ މަސްތުވާތަކެތި ގެންގުޅޭކަމަށް ލިބުނު މައުލޫމާތަކާ ގުޅިގެންކަމަށް ފުލުހުންގެ ޑްރަގް އެންފޯސްމަންޓުން މައުލޫމާތުދީފައިވާކަމަށް ހޯމް މިނިސްޓްރީން ބުނެފިއެވެ.

 އެ ސެންޓަރުގައިފުލުހުންގެ ޑްރަގް އެންފޯސްމަންޓުގެ އޮޕަރޭޝަން ޓީމެއް އިއްޔެ ހަރަކާތްތެރިވެފައިވާއިރު ހޯމް މިނިސްޓްރީން ބުނީ މި އޮޕަރޭޝަނަކީ އެ ސެންޓަރުގައި މަސްތުވާތަކެތި ގެންގުޅޭކަމަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްކަމަށެވެ. މި އޮޕަރޭޝަނުގައި މައްސަލައާ ގުޅުންހުރި އެއްޗެއް ފެނިފައިނުވާކަމަށް ފުލުހުންގެ ޑްރަގް އެންފޯސްމަންޓުން މައުލޫމާތުދީފައިވާކަމަށް ހޯމް މިނިސްޓްރީން މައުލުމާތުދެެެވެ.

Ad by Hajj Corporation

ހިންމަފުށީގައި ހުންނަ އެ ސެންޓަރަކީ މަސްތުވާތަކެތީގެ ވަބާގައި ޖެހިފައިވާ ފަރާތްތައް އެތަނުގެ ބައިތިއްބައިގެން އިސްލާޙު ކުރުމުގެ ފަރުވާ ޕްރޮގްރާމްތައް ހިންގައިދީ، މަސްތުވާތަކެތީގެ ކިބައިން ސަލާމަތް ވެވޭނެ މަގުދައްކައިދީ، ފަރުވާގެ ވަގުތުގައި ދިމާވާ އުނދަގޫތައް ތަޙައްމަލު ކުރުމުގައި އެހީތެރިވެދިނުން އަސާސަކަށް ބަލައިގެން ހިންގާ ސެންޓަރެކެވެ.