ތލަފުށީގައި ލޮރީއެއްދަށުވެ މީހަކަށް ސީރިއަސް އަނިޔާތަކެއްވެގެން އައިޖީއެމް ހޮސްޕިޓަލުގައި ފަރުވާދޭން ފަށައިފިއެވެ.

ކ.ތިލާފުށިގައި  އެކްސްކަވޭޓަރެއް ކައިރީ މަސައްކަތް ކުރަން ހުރީ މީހެއްގެ ގައިގައި ލޮރީއަކުން ޖެހީ ވެއްޓީ، އެމީހާގެ ގައި މަތިން ލޮރީ ގޮސްފައިވާ މަސާލައެއް މިއަދު 14:15 އެހައިކަންހާ އިރު  ފުލުހުންނަށް ރިޕޯޓް ކޮށްފައިވާކަމަށް ފުލުހުން ބުންޏެވެ.

Ad by Hajj Corporation

ފުލުހުން ބުނީ މި އެކްސިޑެންޓްގައި އަނިޔާވެފައި ވަނީ ސްރީލަންކާގެ ފިރިހެނަކަށްކަމަށެވެ.

އެމީހާ އައިޖީއެމްއެޗަށް ފަރުވާދެމުންދާކަމަށާއި ސީރިއަސް އަނިޔާތަކެއް ލިބިފައިވާކަމަށް ފުލުހުން ބުންޏެވެ.

 މިމައްސަލައާއި ގުޅިގެން ލޮރީ ދުއްވި މީހާ ފުލުހުންގެ ބެލުމުގެ ދަށަށް ގެންގޮސް، ލޮރީ ޓޯކޮށްފައިވާކަމަށް ވެސް ފުލުހުން ބުންޏެވެ.

މި މައްސަލައާއި ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވަނީ، އުމުރުން 28 އަހަރުގެ، އިންޑިއާގެ ރައްޔިތެއްކަމަށްވާ ވިގްނޭޝް އަނާދުރަ އެވެ.

މިމައްސަލަ ފުލުހުން ގެންދަނީ ތަހުގީގުކުރަމުންނެވެ.