އިންޓަނޭޝަނަލް ވޮލީބޯޅަ ފެޑެރޭޝަން (އެފްއައިވީބީ)ގެ އެހީތެރިކަމާއެކު ރާއްޖޭގެ 23 ޖޫނިއަރ ޤައުމީ ޓީމުގެ ކޯޗަކަށް އިރާނުގެ ޤައުމީ ޓީމުގެ ކުރީގެ ކުޚުންތެރިއެއްކަމަށްވާ ފަރްޙާދު ނަޒާރީ ޢައްޔަންކޮށް، ފަރިތަކުރުންތައް ފަށައިފިއެވެ.

އުމުރުން 41 އަހަރުގެ ނަޒާރީއަކީ އިރާނުގެ ގައުމީ ޓީމަށް ގިނަ ކާމިޔާބީތަކެއް ހޯދައިދިން ކުޅުންތެރިއެކެވެ. އޭނާގެ އެންމެ ފާހަގަކޮށްލެވޭ ކާމިޔާބީތަކުގެ ތެރޭގައި 2010 ވަނަ އަހަރުގެ އޭޝިއަން ގޭމްސްގެ ފިރިހެން ވޮލީން ރިހި މެޑަލް ހޯދުމާއި، 2008 އަދި 2010 ވަނަ އަހަރު އޭވީސީ ކަޕްގެ ޗެމްޕިއަންކަން ހިމެނެއެވެ.

Ad by Hajj Corporation

މީގެ ކުރިން މި މަގާމުގައި ހުރި އިރާނުގެ އަލީ ޕޫރު އަރޫޖީ ވަނީ ދެ މަސްދުވަހުގެ މަސައްކަތަށްފަހު، ރާއްޖޭގައި ޒަމާނީ ވޮލީބޯޅައެއް ކުޅުވާނެ އެކަށީގެންވާ ވަސީލަތެއް ރާއްޖޭގައި ނެތްކަމަށް ބުނެ އަދި އައުޓްޑޯގައި ޕްރެކްޓިސްކޮށްގެން ޒަމާނީ ވޮލީގެ ގޭމެއް ނުކުޅެވޭނެ ކަމަށް ބުނެ މަގާމުން އިސްތިއުފާ ދީފައެވެ.

ފާހަގަކޮށްލެވޭ ގޮތުގައި މިހާރު ޕްރެކްޓިސްތައްވެސް ކުރިޔަށްގެންދަނީ އައުޓްޑޯ ކޯޓުގައެވެ.