ދިވެހިރާއްޖޭގެ އިންޖިނިއަރުންގެ ދުވަސް ކުލަގަދަކޮށް ފާހަކުރުމަށް މާލެ އުސްފަސްގަނޑުގައި ކުޑަކުދިންގެ ހަވީރެއް ބާއްވައިފިއެވެ.

ކޮންސްޓްރަކްޝަން މިނިސްޓްރީއިން ބޭއްވި މި މި ކުޑަކުދިންގެ ހަވީރުގައި، އެމްއޭސީއެލް، ސްޓެލްކޯ، ފެނަކަ، އެޗްޑިސީ، އާރްޑީސީ، އެމްޓީސީސީ، އެމްއެންޑިީއެފް، ދިރާގު އަދި އޫރިދޫގެ ސްޓޮލްތައް ބައިވެރިވިއެވެ.

Ad by Hajj Corporation

އެ ސްޓޮލްތަކުން، ކުޑަކުދިންނާއި ގުޅުންހުރި، އިންޖިނިއަރިންގެ ތަފާތު އެކިއެކި ކަންތައްތައް ވަނީ ދައްކާލާފައެވެ. އޭގެތެރޭގައި ދިވެހި އިންޖިނިއަރުން ތައްޔާރުކޮށްފައިވާ ގޭމްތައްހިމެނެއެވެ.

އޭގެތެރެއިން އެމްއޭސީއެލްގެ ސްޓޯލުން، މެންދުރުޓިވީއަށް މައުލޫމާތުދިންގޮތުގައި އެސްޓޯލުން ދައްކައިދިނީ، އޭވިއޭޝަން ދާއިރާއާއި ގުޅުންހުރި ކަންތައްތަކެވެ. އޭގެތެރޭގައި އެއަރޕޯޓުގައި ބޭނުންކުރާ ބައެއްކަހަލަ އިންޖިނިއަރިންގެ ކަންކަމުގެ މޮޑެލްތައް ކުޑަކުދިން ޝައުގުވެރިވާ ގޮތަށް ވަނީ ދައްކާފައެވެ.

މިއަހަރުން ފެށިގެން ކޮންމެ އަހަރެއްގެވެސް އޮގަސްޓް މަހުގެ 30 ވަނަ ދުވަހަކީ ރާއްޖޭގެ އިންޖިނިއަރުންގެ ދުވަހުގެ ގޮތުގައި ފާހަގަކުރުމަށް ވަނީ ނިންމާފައެވެ.