ބިނާރާއި، ގެދޮރުވެރިކަމާއި، އުމުރާނީ ތަރައްޤީއާ ބެހޭ ވުޒާރާގައި ހުރި ރަސްމީ ލިޔެކިޔުންތަކެއް އަޅާފައިވާ ލޮކަރުތަކެއް، އޮންނަ އުސޫލުން ބޭރުން ހުޅުވާފައި ހުރި ކަމަށް ރިޕޯޓުކުރުމާ ގުޅިގެން ފުލުހުން އެ ވުޒާރާއަށް ހާޒިރުވެ ބަލައި ފާސްކޮށްފިއެވެ.

ފުލުހުން ވިދާޅުވި ގޮތުގައި އެ ވުޒާރާއިން ކުރި ރިޕޯޓަކާ ގުޅިގެން، 2026 ސެޕްޓެމްބަރު 25 ވަނަ ދުވަހުގެ ރޭ 19:18 ހާއިރު ފުލުހުން ވަނީ އެ ވުޒާރާއަށް ހާޒިރުވެފައެވެ.

Ad by Hajj Corporation

މި ހާދިސާއާ ގުޅިގެން، ފުލުހުންގެ ހާޒިރުގައި އެ ވުޒާރާގެ މުވައްޒަފުން އެ ލިޔެކިޔުންތައް ބަލައި ޗެކްކުރިއިރު، އެއްވެސް ލިޔުމެއް ނުވަތަ އެހެން އެއްޗެއް ވެސް މަދުވެފައި ނުވާކަން ވަނީ ކަށަވަރުކުރެވިފައިކަމަށް ފުލުހުން ވަނީ ވިދާޅުވެފައެވެ.