އަރަބި އިސްލާމީ ގައުމުތަކުގެ ކުއްލި ބައްދަލުވުމުގައި ބައިވެރިވެވަޑައިގަތުމަށް ޚާރިޖީ ވަޒީރު ޑރ. ޢަބްދުﷲ ޚަލީލް ގަތަރަށް ފުރާ ވަޑައިގެންފިއެވެ.

މި ބައްދަލުވުމަކީ ޔަހޫދީން ގަތަރަށް ހަމަލާ ދިނުމާއި ޔަހޫދީން ފަލަސްތީނުގައި ހިންގަމުންދާ ލާއިންސާނީ ޖަރީމާތަކާ ގުޅޭގޮތުން މަޝްވަރާކުރުމަށް ބާއްވާ ބައްދަލުވުމެކެވެ.

Ad by Hajj Corporation

މީސްމީޑިޔާގައި ހިއްސާކުރެއްވި ޕޯސްޓެއްގައި ފޮރިން މިނިސްޓަރ ޑރ. ޢަބްދުﷲ ހަލީލް ވިދާޅުވެފައިވަނީ ގަތަރުން އިންތިޒާމުކޮށްގެން ބާއްވާ އަރަބި އިސްލާމީ ގައުމުތަކުގެ ހާރިޖީ ވަޒީރުންގެ ސަމިޓުގައި މުހިންމު މަޝްވަރާތަކެއް ކުރެވޭނެ ކަމަށެވެ.

އެގޮތުން ގަތަރަށް ޔަހޫދީން ދިން ހަމަލާތަކާއި ފަލަސްތީނުގައި ޔަހޫދީން ހިންގާ ޖަރީމާތަކާއި ސަރަހައްދީ ހަމަޖެހުމަށް އޮތް ހުރަސްތަކާ ގުޅޭގޮތުން މަޝްވަރާކުރެވޭނެކަމަށް ވަޒީރު ވިދާޅުވިއެވެ.

އަދި ރާއްޖެއިން އަބަދުވެސް ދެމިއޮންނާނީ ގަތަރާއި ފަަލަސްތީނުގެ ރައްޔިތުންނާއެކުކަން ވަޒީރު ފާހަގަކުރެއްވިއެވެ. އަދި ޔަހޫދީން އިންސާފުގެ ކުރި މައްޗަށް ގެނައުމުގެ މަސައްކަތުގައި އަބަދުވެސް ރާއްޖެއިން ދެމިއޮންނާނެކަންވެސް ވަޒީރު ފާހަގަކުރެއްވިއެވެ.