ބޮރޫސިއާ ޑޯޓްމަންޑްގެ ގިނިއާގެ ސްޓްރައިކަރު ސެރޫ ގުއިރާސީއަށް 2024/25 މިދިޔަ ސީޒަނުގުގެ ޔުއެފާ ޗެމްޕިއަންސް ލީގުގެ އެންމެ ގިނަ ގޯލްޖެހި ކުޅުންތެރިޔާއަށްދޭ ގޯލްޑަން ބޫޓް ހަވާލުކޮށްފިއެވެ.

ޑޯޓްމަންޑްގައި އިއްޔެ ބޭއްވުނު ހާއްސަ ރަސްމިއްޔާތެއްގައި ގިރާސީއަށް މި އެވޯޑް ހަވާލުކުރީ ފާއިތުވި ސީޒަނުގައި އޭނާ ޗެމްޕިއަންސް ލީގުގައި ޖަހާފައިވާ 13 ގޯލަށް ބަލައިގެންނެވެ. މީގެ އިތުރުން މިދިޔަ ސީޒަނުގައި ބާސެލޯނާގެ ސްޓާ ކުޅުންތެރިޔާ ރަފީނިޔާ ވެސް ވަނީ 13 ގޯލު ޖަހާފައެވެ.

Ad by Hajj Corporation

ފާއިތުވި މޫސުމުގެ ޗެމްޕިއަންސް ލީގުގައި ގިރާސީ ވަނީ ފާހަގަކޮށްލެވޭ ފަދަ މޮޅުކުޅުމެއް ދައްކާފައެވެ. ޑޯޓުމަންޑް ވަނީ މިދިޔަ ސީޒަނުގައި ޗެންޕިއަންސް ލީގުގެ ކުއާޓަރ ފައިނާލާއި ހަމައަށް ދަތުރުކޮށްފައެވެ.

ގިރާސީގެ މި ކާމިޔާބީ ފާހަގަކުރުމުގެ ގޮތުން ޔުއެފާއިން ވަނީ އޭނާއަށް ގޯލްޑަން ބޫޓް ހަވާލުކޮށްފައިވަނީ ރަސްމިއްޔާތު ބާއްވަނީ ކުލަބުގެ ފެސިލިޓީސްތަކުގައެވެ.