މަޖިލީހަށް ހުށަހަޅާފައިވާ މޯލްޑިވްސް މީޑިއާ އެންޑް ބްރޯޑްކާސްޓިންގ ރެގިއުލޭޝަން ބިލު ފާސްކޮށް، ނޫސްވެރިންގެ ކަންބޮޑުވުންތަކަށް ހައްލު ހޯދެއްވާނެކަމަށް  ވިލިމާލެ ދާއިރާގެ މެންބަރު މުހައްމަދު އިސްމާއީލް ވިދާޅުވެއްޖެއެވެ.

ވެރިކަންކުރާ ޕީޕަލްސް ނެޝަނަލް ކޮންގްރެސް (ޕީއެންސީ)ގެ ޕާލަމެންޓަރީ ގްރޫޕްގެ އެއް ޑެޕިއުޓީ ލީޑަރުގެ ގޮތުގައި ހުންނެވި މުހައްމަދު އިސްމާއީލް މިހެން ވިދާޅުވީ، އެ ބިލު ފާސްކުރުމަށް ގޮވާލާ މިއަދު ބަޔަކު މާލޭގެ މަގުތަކަށް ނުކުތުމުން އެކްސްގައި ކުރެއްވި ޕޯސްޓެއްގައެވެ.

Ad by Hajj Corporation

އެ ޕޯސްޓްގައި އޭނާ ވިދާޅުވީ، އެ ބިލު ފާސްކުރަށްވާނެކަމަށާއި، ދިވެހިރައްޔިތުންގެ ހައްގުގް ކުރަންޖެހުނު ކޮންމެ ކަމެއް ކުރުމައް ފަހަތަކައް ނުޖެހޭނެ ކަމަށެވެ.

''ފާސްކުރާނަން، ފާސްކުރާނަން، ދިވެހިގައުމާއި ދިވެހިރައްޔިތުންގެ ހައްގުގައި ކުރަންޖެހުނު ކޮންމެ ކަމެއް ކުރުމައް ފަހަތަކައް ނުޖެހޭނަން، މީޑިޔާ ރެގިއުލޭޓު ކުރަންޖެހޭ، ނޫސްވެރިންގެ ކަނބޮޑުވުންތަކައް ހައްލު ލިބޭނެ'' މުހައްމަދު ވިދާޅުވެފަވެއެވެ.

މި ބިލު މަޖިލީހުގެ މިނިވަން މުވައްސަސާތަކާ ބެހޭ ކޮމިޓީން އިއްޔެ ފާސްކޮށްފައި ވަނީ ބަންޑާރަނައިބުގެ އޮފީހުން ހުށަހެޅިއްވި ގިނަ އިސްލާހްތަކަކާއެކުގައެވެ.

މި ބިލަކީ ރައްޔިތުންގެ މަޖިލީހުގެ ތުޅާދޫ ދާއިރާގެ މިނިވަން މެންބަރު ޢަބްދުލްޙަންނާން އަބޫބަކުރު ހުށަހަޅުއްވާފައިވާ ބިލެކެވެ.