ރާއްޖެއަށް މި އަހަރުގެ މިހާތަނަށް ޒިޔާރަތްކުރި ފަތުރުވެރިންގެ އަދަދު 9.6 އިންސައްތަ އިތުރުވެއްޖެ ކަމަށް ތަފާސްހިސާބުތަކުން ދައްކައިފިއެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން އަހަރުގެ މިހާތަނަށް 1.58 މިލިއަން ފަތުރުވެރިން ޒިޔާރަތްކޮށްފައިވެ އެވެ. މި ދިޔަ އަހަރުގެ މި މުއްދަތުގައި ރާއްޖެ ޒިޔާރަތްކޮށްފައިވަނީ 1.44 މިލިއަން ފަތުރުވެރިންނެވެ.

ތަފާސްހިސާބުތަކަށް ބަލާއިރު ރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރާ 10 ގައުމުން މި އަހަރުގެ މިހާތަނަށް އެއް މިލިއަނަށްވުރެ ގިނަ ފަތުރުވެރިން ޒިޔާރަތްކޮށްފައިވެ އެވެ.

Ad by Hajj Corporation

ފަތުރުވެރިކަމުގެ ގަދަ 10 ޤައުމުތައް:

ޗައިނާ - 252,384 ފަތުރުވެރިން

ރަޝިއާ- 192,220 ފަތުުރުވެރިން

އިނގިރޭސިވިލާތް- 141,874 ފަތުުރުވެރިން

އިޓަލީ - 110,433 ފަތުުރުވެރިން

ޖަރުމަނު- 110,388 ފަތުުރުވެރިން

އިންޑިއާ- 91,328 ފަތުުރުވެރިން)

އެމެރިކާ- 46,322 ފަތުުރުވެރިން

ފްރާންސް- 42,484 ފަތުުރުވެރިން

ސްޕެއިން- 37,895 ފަތުުރުވެރިން

އޮސްޓްރޭލިއާއިން 29,527 ފަތުރުވެރިން

ރާއްޖެއަށް މި އަހަރު ޒިޔާރަތްކުރި ފަތުރުވެރިންގެ ތެރެއިން 73.5 ޕަސެންޓް ޗުއްޓީ ހޭދަކުރީ ރިސޯޓުތަކުގަ އެވެ.

ރާއްޖޭގައި މި ވަގުތު ފަތުރުވެރިކަމަށް 174 ރިސޯޓާއި 919 ގެސްޓްހައުސްގެ އިތުރުން 161 ސަފާރީ އުޅަނދާއި 16 ހޮޓާ ދަނީ ހިންގަމުންނެވެ.