މިދިޔަ ހަފްތާގައި މިފްކޯއަށް މަސްކިރުވި 155 ދޯންޏަކަށް 6.4 މިލިޔަން ރުފިޔާ ދޫކޮށްފައިވާކަމަށް މިފްކޯގެ ތަފާސްހިސާބުތަކުން ދައްކައިފިއެވެ.

މިދިޔަ ހަފްތާގެ މިފްކޯގެ ތަފާސްހިސާބުތަކަށް ބަލާއިރު 155 ދޯންޏަކުން މިފްކޯއަށް ވަނީ މަސް ކިރުވާފައެވެ. އޭގެ ކުރީ ހަފްތާގައި މިފްކޯއަށް މަސްކިރުވާފައިވަނީ 160 ދޯންޏަކުންނެވެ.

Ad by Hajj Corporation

މިދިޔަ ހަފްތާގައި މުޅި ޖުމްލަ 6،480،405 (ހަ މިލިއަން ހަތަރު ލައްކަ އައްޑިހަ ހާސް ހަތަރު ސަތޭކަ ފަސް) ރުފިޔާ ދޫކޮށްފައިވެއެވެ.

މިދިޔަ ހަފްތާގައި މިފްކޯއިން މަސްވެރިންނަށް އެންމެ ގިނަ އަދަދަކަށް ފައިސާ ދޫކޮށްފައިވަނީ ހޯމަ ދުވަހުއެވެ. އެގޮތުން އެދުވަހު މިފްކޯއަށް 32 ދޯންޏަކުން މަސްކިރުވާފައިވެއެވެ. އެ ދޯނިތަަކަށް މުޅި ޖުމްލަ 1،407،641 ( އެއް މިލިއަން ހަތަރު ލައްކަ ހަތް ހާސް ހަ ސަތޭކަ ސާޅީސް އެއް) ރުފިޔާ ދޫކޮށްފައިވެއެވެ.

މިފްކޯއިން އާންމުކޮށްފައިވާ ތަފާސްހިސާބުތަކަށް ބަލާއިރު މިމަހުގެ މިހާތަނަށް މަސްވެރިންނަށް މުޅި ޖުމްލަ 16.4 މިލިއަން ރުފިޔާ ވަނީ ދޫކޮށްފައެވެ. މިއީ މިދިޔަ މަހުގެ މި މުއްދަތުގައި މަސްވެރިންނަށް ދޫކޮށްފައިވާރުފިޔާއާއި އަޅާބަލާއިރު 14.8 އިންސައްތަ ދަށް އަދަދެކެވެ.

ރާއްޖޭގެ މަސްވެރިކަމުގެ ސިނާޢަތް ކުރިއެރުވުމަކީ އަދުގެ ސަރުކާރުގެ އިސްކަންދެއްވާ މުހިންމު ތަޞައްވުރެކެވެ. މި ތަޞައްވުރު ޙާޞިލްކުރުމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވުޒާރާއިން މިހާރު ވަނީ ޒުވާނުންގެ މެދުގައި މަސްވެރިކަމަށް ޝައުގުވެރިކަން އުފައްދާ މަސްވެރިކަމުގެ ދާއިރާއަށް ޒުވާނުން ނެރުމަށް ޚާއްސަ ތަމްރީނު ޕްރޮގްރާމެއްވެސް ފަށާފައެވެ.