އެމްޑީޕީން އުޅެނީ އެ ޕާޓީގެ ވެރިކަންތަކުގައި ހިންގާފަހުރި ޖަރީމާތަކަށް ފަސްއަޅަން ކަމަށާއި، އެމްޑީޕީގެ މަޅީގައި ޖެހޭނެ ރައްޔިތަކު މިހާރު ނެތްކަމަށް ނގުރައިދޫ ދާއިރާގެ މެންބަރު އިބްރާހީމް ފަލާހް މިއަދު ވިދާޅުވެއްޖެއެވެ.

ސޯޝަލް މީޑިއާގައި ކުރެއްވި ޕޯސްޓެއްގައި ފަލާހް ވަނީ ރައީސް ޑރ. މުޙައްމަދު 8 ދުވަހުގެ ތެރޭގައި ވަރުބަލިކަމެއްނެތި 31 ރަށަކަށް ދަތުރުކުރަށްވަމުންގެންދަވާކަން ފާހަގަކުރަށްވާފައެވެ.

Ad by Hajj Corporation

މީގެ އިތުރުން ރައީސް މުޢިއްޒަކީ، އެ ދަތުރުފުޅުގައި ވަރުބަލިކަމެއް ފޫހިކަމެއްނެތި ރައްޔިތުންގެ އަޑުއައްސަވައި، ރައްޔިތުންގެ ކަންބޮޑުވުންތަކާއި ބޭނުންތަކަށް ހައްލު ހޯދައިދެއްވުމަށް ވަރަށް ގާތުން މަސައްކަތްކުރަށްވަމުން ގެންދަވާ ނަމޫނާ ރައީސެއްކަން ފަލާހް ވަނީ ފާހަގަކުރަށްވާފައެވެ.

''ރައީސް މިކަންކަން މިހެންކުރައްވާތި ދެއްތޯ މުޒާހަރާ އަށްތައްޔާރުވާންތިގޮވަނީ.. ރައްޔިތުންތިއްބެވިގޮތް ވަރަށްސާފު!
އެމްޑީޕީއިން ތިއުޅެނީ ތިބޭޅުންގެ ވެރިކަމުގައި ހިންގާފަހުރި. ޖަރީމާތަކަށް ފަސްއަޅަން ރައްޔިތުންތަކެއްމެދުވެރިކޮށް، އެކަންކުރެވޭތޯ!
ރައްޔިތުން އެއަށްވުރެމާހޭލުންތެރިވާނެ. ތިމަޅީގައިޖެހޭނެ ރައްޔިތަކުނެތް!'' ފަލާހް ވިދާޅުވެފަވެެއެވެ.

ރައީސް މުޢިއްޒު މިދިޔަ ހުކުރު ދުވަހު ވަނީ ފެލިދެއަތޮޅާއި، މުލަކަތޮޅާއި، ނިލަންދެއަތޮޅު އުތުރުބުރިއާއި ކޮޅުމަޑުލުގެ މީހުން ދިރިއުޅޭ ރަށްރަށަށް 8 ދުވަހުގެ ދަތުރުފުޅެއް ފައްޓަވާފައެވެ. މި ދަތުރުފުޅުގައި 3 އަތޮޅުގެ މީހުން އުޅޭ ހުރިހާ ރަށަކަށް ވަޑައިގެންނެވުމަށްފަހު މިވަގުތު ރައީސް ގެންދަވަނީ މި ދަތުރުފުޅުގެ ފަހު އަތޮޅު، ކޮޅުމަޑުލުގެ ރަށްތަކަށް ދަތުރުކުރަށްވަމުންނެވެ.

އަނެއްކޮޅުން އިދިކޮޅު އެމްޑީޕީން ދަނީ މުޒާހަރާއަކަށް ތައްޔާރުވަނީކަމަށްބުނެ ސިޔާސީ ކުދި އެއްވުންތަކެއް ބާއްވަމުންނެވެ.