ރައީސުލްޖުމްހޫރިއްޔާއަށް ޤާނޫނުން ލިބިވަޑައިގަންނަވައި ބާރުގެ ދަށުން، ތ. މަޑިފުށީ އިޚްތިޞާޞްގައި ތ. ކޮޅުފުއްޓާއި، އުފުރިޔާ ހިމަނުއްވައިފިކަމުގެ ރަސްމީ ލިޔުން މަޑިފުށީ ކައުންސިލްގެ ރައީސާ ހަވާލުކޮށްދެއްވައިފިއެވެ.

މި ނިންމެވުމަކީ ރައީސުލްޖުމްހޫރިއްޔާ 18 ސެޕްޓެމްބަރުގައި ނިންމަވާފައިވާ ނިންމެވުމެއް ނަމަވެސް މިކަން ރަސްމީކޮށް ފައްޓަވާ، ލިޔުން ދެއްވީ ޜޭގައެވެ. އިއްޔެ މަޑިފުށީގައި ބޭއްވި ޚާއްޞަ ރަސްމިއްޔާތުގެތެރެއިން މި ލިޔުން މަޑިފުށީ ކައުންސިލްގެ ރައީސާ ހަވާލުކޮށްދެއްވީ މިނިސްޓަރ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސް އާދަމް ޝަރީފު ޢުމަރެވެ.

Ad by Hajj Corporation

މި ނިންމެވުމަކީ ޙަޤީޤީ މާނާގައި ކައުންސިލްތައް ބާރުވެރި ކުރުމަށް ސަރުކާރުން ކުރައްވަމުންދާ މަސައްކަތުގެ ތެރެއިން ނިންމަވައިފައިވާ ނިންމެވުމެކެވެ.ކައުންސިލްތައް މާލީ ގޮތުން ބާރުވެރިކުރުވުމަށް ސަރުކާރުން އަންނަނީ ބައެއް ފަޅުތަކާއި، ފަޅުރަށްރަށް ވެސް ދެއްވަމުންނެވެ.

މިއީ އެ ރަށްރަށުގެ ރައްޔިތުންނަށާއި، ކައުންސިލްތަކަށް އިޤްތިޞާދީ މަންފާތައް ހޯއްދަވައި ދެއްވުމަށް މުހިންމު ސިޔާސަތެއްގެ ދަށުން ސަރުކާރުން ކުރައްވަމުން އަންނަ މަސައްކަތެކެވެ.