12 ރަށެއްގައި ފުޓްބޯޅަދަނޑު ތަރައްގީކުރުމުގެ މަސައްކަތްތަކަށް ބީލަން ހުށަހެޅުމުގެ ފުރުސަތު މާލީކަންކަމާއި ތަރައްޤީގެ ރޭވުންތެރިކަމާ ބެހޭ ވުޒާރާއިން ހުޅުވާލާއިފިއެވެެ.

ކުޅިވަރާއި ހަށިހެޔޮކަމާ ބެހޭ ވުޒާރާގެ ބެލުމުގެ ދަށުން ފުޓްބޯޅަދަނޑު ތަރައްގީ ކުރުމަށް ހަމަޖެހިފައިވާ ރަށްތަކަކީ ގއ. މާމެންދޫ، ގއ. ނިލަންދޫ، ލ. މާބައިދޫ، ހއ. ކެލާ، ގދ. މަޑަވެލި، ރ. ފައިނު، ރ. ރަސްމާދޫ، ށ. ބިލެއްފަހި، ލ. ހިތަދޫ، ށ. ނަރުދޫ، ރ. އުނގޫފާރު އަދި ގދ.ތިނަދޫ ސިޓީ އެވެ.

Ad by Hajj Corporation

މި މަޝްރޫއުތަކުގެ ބިޑު ހުށަހެޅުމުގެ ސުންގަޑިއަކީ 19 އޮކްޓޫބަރު 2025 ވާ އާދިއްތަ ދުވަހުގެ ހެނދުނު 10:00 އެވެ. އަދި ބިޑު ހުޅުވުން އޮންނާނީ 20 އޮކްޓޫބަރު 2025 ވާ ހޯމަ ދުވަހުގެ ހެނދުނު 10:00 ގައެވެ. ބިޑު ހުށަހަޅަންޖެހޭނީ ބީލަން ޕޯޓަލް މެދުވެރިކޮށެވެ.

ކުޅިވަރުގެ ދާއިރާއަށް ސަރުކާރުގެ ގިނަ ވައުދުތަކެއް އެކަށައަޅާފައިވާއިރު ފުޓްބޯޅަ ދަނޑުތަކާއި އައުޓްޑޯ ޖިމްތައް ޤާއިމްކުރުމާއި ފިޓްނެސް އެންޑް ރެކްރިއޭޝަން ސެންޓަރުތައް ގާއިމުކުރުމުގެ މަސައްކަތްތައް މިހާރުވެސް ދަނި ކުރިއަށެވެ.