2015 މެއި މަހުގެ އެއްވަނަ ދުވަހު ''މޭޑޭ''ގެ ނަމުގައި އެމްޑީޕީން އިސްވެ ބޭއްވި މުޒާހަރާއަކީ އާންމު ރައްޔިތުންތަކެއް ޖިނާއީ ދަލުގައި ޖެއްސި މުޒާހަރާއެކެވެ.

މާޒީގެ ސަފުހާތަކުގެ ތެރެއިން އެދުވަހާއި ހަމައަށް ހަނދާންތައް ގެންދާއިރު، އެމްޑީޕީން ކަންކުރިގޮތަކީ މުޒާހަރާ އަށް ރައްޔިތުންނެރެ، މަގުތައް ހަލަބޮލި ކުރުމަށްފަހު ބޮޑުން ފިލީއެވެ. އަދި ގޮސްތިބީ ޓީވީން ކުޅިބަލަން ފިނިކޮޓަރީގައެވެ.

Ad by Hajj Corporation

ރައްޔިތުންނަށް އެކި ދޮގު ވާހަކަތައް ވިސްނައިދީ ޖޯޝް ގެނައުމަށްފަހު އެމީހުން ޖަޒުބާތުގައި ފުލުހުންނަށް އަނިޔާކޮށް ޖިނާއީ ކުށްކުރުވީއެވެ. އެކަމުގެ އަދަބާއި ބައެއް ރައްޔިތުންނާއި ކުރިމަތިލާންޖެހި ޖަލުގެ ތޭރިތަކުގެ ތެރޭ ދުވަސްތައް ހޭދަކުރަންޖެހި، އެތަނުން އެކަކު ޖަލުއި މި ދުނިޔެ ދޫކޮށްފައިވެސް ވެއެވެ.

މިކަމުގެ ފަހަތުގައި ތިބި އެމްޑީޕީގެ ބޮޑުން ތިބީ ކަމުންރެކިގެންނެވެ. ޖިނާއީ ޖަލުގައި ޖައްސައި ކުށްކުރުވީ އާންމު މެމްބަރުންލައްވައެވެ. އެދުވަހު ކުށްވެރި މީހުންގެ ހާލު ވެސް ބަލާނުލިއެވެ. ކުޑަމިނުން ގާނޫނީ އެހީތެރިކަން ވެސް ފޯރުކޮށް ނުދިނެވެ.

އެހަނދާން މިއަދާއި ގުޅުވައިލާއިރު، ދިވެހި ފުލުހުންގެ ޚިދުމަތުން ހުއްދަ ދީފައިވާ ރޫޓާ ޚިލާފަށް، އިސްވެ ދެންނެވުނު ހިނގާލުން (އެމްޑީޕީން 3 އޮކްޓޯބަރުގައި ބާއްވާ ހިނގާލުން) ކުރިއަށް ގެންދިއުމަށާއި އެކި ބައިބަޔަށް ބެހި ކުށްކުރާ ގްރޫޕްތައް މަގުމައްޗަށް ނެރެ މާލެތެރެ ހަލަބޮލިކޮށް ތަންތަނަށް ގެއްލުން ދިނުމަށް ރާވާފައިވާކަމުގެ މައުލޫމާތު ލިބިފައިވާކަމަށް ފުލުހުން ވަނީ ބުނެފައެވެ. އެހެންކަމަށްވާނަމަ، އެމްޑީޕީން އަނެއްކާ ވެސް މޭޑޭ އެއް ތަކުރާރުކުރަން މިވަނީ ސިއްރިޔާތުގައި ތައްޔާރުވެފައެވެ. މިއަދު ވެސް ބޮޑުން ފިލައި ދާނީ ފިނިކޮޓަރިއަށެވެ. ރައްޔިތުން ހަނާވާން މަގުތަކަށް ދޫކޮށްލާނެއެވެ. ނިމަކެތިވާނީ ރައްޔިތުމީހާ އާއި އޭނާގެ ޢާއިލާއެވެ.