މާރޗު 4 ވީ ހޮނިހިރު ދުވަހު ބޭއްވި ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގެ ގިނަ ގޮނޑިތައް ޕީއެންސީ އަދި އެމްޑީޕީ އިން ކާމިޔާބުކޮށްފިއެވެ.

އިލެކްޝަންސް ކޮމިޝަންގެ ތަފާސްހިސާބަށް ބަލާއިރު، މިހާތަނަށް އެމްޑީޕީ އަށް 233 ގޮނޑީ ކާމިޔާބުކުރެވިފައިވާއިރު، ޕީއެންސީ އަށް ކާމިޔާބު ކުރެވުނީ 202 ގޮނޑިއެވެ. އަދި އަމިއްލަގޮތުންވާދަކުރި 79 ފަރާތަކުން ވެސް ކާމިޔާބު ހޯދިއިރު، އެމްޑީއޭ އަށް 12 ގޮނޑި، އަދާލަތު ޕާޓީ އަށް 2 ގޮނޑި ވަނީ ލިބިފައެވެ.

Ad by Hajj Corporation

މީގެއިތުރުން ދަ ޑިމޮކްރެޓްސް އަށް އެންމެ ގޮނޑިއެއް ލިބުނުއިރު، ޖުމްހޫރީ ޕާޓީއަށް މިހާތަނަށް ގޮނޑިއެއް ލިބިފައެއް ނުވެއެވެ.

މި އިންތިޚާބުގައި ލޯކަލް ކައުންސިލްތަކަށް އިންތިޚާބު ކުރަންޖެހޭ ގޮނޑިތަކަށް 1،368 ކެންޑިޑޭޓުން ވާދަކުރައްވާއިރު، އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ ގޮނޑިތަކަށް 1،593 ކެންޑިޑޭޓުން ވާދަކުރަށްވައެވެ. އިލެކްޝަންސް ކޮމިޝަނުން ހާމަކޮށްފައިވާ ގޮތުގައި މި އިންތިޚާބުގައި ޖުމްލަ 294،876 މީހަކަށް ވޯޓުލުމުގެ ޙައްޤު ލިބިގެންވެއެވެ.