މަސައްކަތްކުރަމުން ދަނީ ދިވެހީންގެ ރާއްޖެއެއްގެ ތަސައްވަރު ގެނެސް، ކުލަވަރު ޖައްސުވައިދޭންކަމަށް މިލަންދޫ ދާއިރާގެ މެމްބަރު ހަސަން މުފީދު އަބުދުލްގާދިރު ވިދާޅުވެއްޖެއެވެ.

ސަރުކާރުގެ ފަރާތުން، ގުރައިދޫ ދާއިރާގެ މެންބަރު ހަނާން މުޙައްމަދު ރަޝީދު ހުށަހަޅުއްވާފައިވާ، ރީ-އެމްޕްލޯއިމަންޓްގެ ބިލުގެ ބަހުސްގައި ވާހަކަދައްކަވަމުން ހަސަން މުފީދު ވަނީ މި ބިލަކީ ރައީސް ޑރ. މުޙައްމަދު މުޢިއްޒު ރައްޔިތުންނަށް ކޮށްދެއްވަމުން ގެންދަވާ ހެޔޮ ވެރިކަމުގެ މިސާލެއްގެ ގޮތުގައި ފާހަގަކުރަށްވާފައެވެ.

Ad by Hajj Corporation

މެމްބަރު ވިދާޅުވީ، މިފަދަ ގާނޫނެއް ވުޖޫދުވުމުން ވަޒީފާގެ ޙައްޤުތަކާއި، ވަޒީފާއަދާކުރުމުގައި ހިނގާނެ އުސޫލްތަކަށް ބަލާއިރު ރ-ީ އެމްޕްލޯއިމަންޓްގެ ދަށުން ވަޒީފާއަދާކުރާ ކޮންމެ މުވައްޒަފަކަށް ވެސް ވަޒީފާއާ ބެހޭ ގާނޫން ކަނޑައަޅާފައިވާ އަސާސީ ޙައްޤުތައް ލިބިގެންދާނެކަމަށެވެ.

''ދަންނަވާނީ ދިވެހިރާއްޖެއަށް މި އުޅެނީ އަޅުގަނޑުމެން ދިވެހީންގެ ރާއްޖެއެއްގެ ތަސައްވަރު ގެނެސް، ކުލަވަރު ޖައްސަން، މިކަމާ ދޭތެރޭގައި ވިސްނާ ފިކުރު ކުރާއިރުގައި އަޅުގަނޑުމެން މިއަދު ދިވެހީންގެ ރައްޖޭގެ ދިވެހީންގެ ރާއްޖޭގެ ސްޕީޑު މިހިރީ އަޅުގަނޑ މެން ދިވެހިން އެދޭގޮތަށް،'' ހަސަން މުފީދު ވިދާޅުވެފަވެއެވެ.

އޭނާ ވިދާޅުވީ އެ ބިލުގައި ރ-ީއެމްޕްލޯއިމަންޓް އުސޫލުން ވަޒީފާއަދާކުރާ ފަރާތްތަކުގެ މައްޗަށް ވަކި ޚާއްސަ އުސޫލު ތަކެއް ހިނގާނެކަމަށެވެ. މިގޮތުން އެ
ފަރާތްތައް ވަކި މުއްދަތަކަށް ނުވަތަ ވަކި ޕްރޮޖެކްޓް ތަކަކަށް ހަމަޖެއްސިދާނެކަމަށް އޭނާ ވިދާޅުވިއެވެ. އަދި މިއީ އެފަދަ ފަރާތްތަކަށް ފަހިކޮށްދެވޭ ވަރަށް ފަހި ފުރުސަތެއްކަމަށް އޭނާ ވަނީ ވިދާޅުވެފައެވެ.