ބާސެލޯނާ އިއްޔެ ޖިރޯނާ އަތުން މޮޅުވެ ވަގުތީގޮތުން އެއްވަނައަށް ދިޔަ ނަމަވެސް، ރެއާލް މެޑްރިޑް ރޭގައި ގެޓާފޭ އަތުން 0-1 އިން މޮޅުވެ، ކުރިއަށް އޮތް ހަފްތާގައި ކުޅެން އޮތް އެލް ކްލާސިކޯގެ ކުރިން ޕޮއިންޓް 2ގެ ލީޑް އަނބުރާ ހޯދައިފިއެވެ.

މެޗުގެ 80 ވަނަ މިނެޓުގައި އެމްބާޕޭ ޖެހި ލަނޑުން މެޗް ނިމުނީ ރެއާލް މެޑްރިޑްގެ މޮޅުވެގެންނެވެ. މި މެޗުގެ ދެވަނަ ހާފުގައި ވިނީޝިއަސް ކުލެން ނިކުތުމާއެކު ގެޓާފޭ ކުލުންތެރިން ހުއްޓާނުލަ ފުލު ފުލުގައި ވިނީޝިއަސް އަށް ފައުލްކޮށް އަނގަބަހުންނާއި ޢަމަލުތަކުން ވިނީ ހުއްޓުވުމަށް ވަރަށް މަސައްކަތް ކުރިއެވެ. އޭގެ ނަތީޖާއެއްގެ ގޮތުން ވިނީ ހުއްޓުވަން ހުރި ޑިފެންޑަރަށް ރީނދޫ ކާޑު ދެއްކިއެވެ. މިއާއެކު މިކުޅުންތެރިޔާއަށް އިތުރަށް ވިނީއަށް ފައުލް ނުކުރެވޭނެތީ އަނެއްކާވެސް ބަދަލުގައި ވިނީ ހުއްޓުވުމަށް ނިއޯމް ދަނޑަށް އެރުވިއެވެ. ނަމަވެސް ނިއޯމް ދަނޑަށް އެރިތާ 30 ސިކުންތުގެ ތެރޭގައި ވިނީއަށް ކުރި ނުރައްކާތެރި ފައުލަކާއެކީގައި ވަގުތުން ރަތްޚާދުދައްކާ އޭނާ ދަނޑުން ފޮނުވާލިއެެވެ. އަދި މި ރަތްޚާދު ދެއްކިތާ މިނެޓެއް ނުވަނީ ރެއާލް ވަނީ މެޗުގެ ހަމައެކަނި ގޯލު ޖަހާފައެވެ.

Ad by Hajj Corporation

މީގެ އިތުރުންވެސް ރޭގައި ގެޓާފޭގެ އެހެން ކުޅުންތެރިޔަކު ވިނީ އަށް ކުރި ފައުލަކާއި ގުޅިގެން ދެވަނަ ރީނދޫކާޑާއެކު ރަތްކާޑު ދައްކައި، އޭނާވެސް ވަނީ ދަނދުން ފޮނުވާލާފައެވެ.

މީގެ އިތުރުން އެމްބާއެޕޭ ރޭގައި ޖެހި ގޯލާއެކު ކްލަބް އަދި ގައުމީ ޓީމަށް ވިދިވިދިގެން އެންމެފަހުން ކުޅުނު 11 މެޗުގައި އޭނާ ވަނީ ލަނޑުޖަހާފައެވެ.