އިންޑިއާގެ ބޮޑުވަޒީރު ނަރެންދުރަ މޯދީ، ނިރުބަވެރި އިސްރާއީލްގެ ބޮޑުވަޒީރު ނަތަންޔާހޫ އާއި ބައްްދަލުކުރަށްވައިފިއެވެ.

އެކްސްގައި ކުރެއްވި ޕޯސްޓެއްގައި މޯދީ ވަނީ ނަތަންޔާހޫއާއި ބައްދަލުކުރެއްވިކަން ހާމަކުރަށްވާފައެވެ.

Ad by Hajj Corporation

އެ ޕޯސްޓްގައި މޯދީ ވިދާޅުވީ،ހުޅަނގު އޭޝިއާގައި ފަހަކަށް އައިސް ހިނގަމުންދާ ކަންތައްތަކާ ބެހޭގޮތުން ނަތަންޔާހޫ އާއިއެކު މަޝްވަރާކުރެއްވި ކަމަށެވެ.

''އަޅުގަނޑުމެންގެ ދުނިޔޭގައި ޓެރަރިޒަމަށް ޖާގައެއް ނެތް، ސަރަޙައްދީ ހަލަބޮލިކަން އިތުރުވިޔަ ނުދިނުމާއި، ހުރިހާ ރަހީނުން ރައްކާތެރިކަމާއެކު ދޫކޮށްލުމަކީ ވަރަށް މުހިންމު ކަމެއް'' މޯދީ ވިދާޅުވެފަވެއެވެ.

މޯދީ ވިދާޅުވީ، ސުލްޙަ އާއި ހަމަޖެހުން އަނބުރާ ގެނައުމަށް ކުރެވޭ މަސައްކަތްތަކަށް އެހީތެރިވުމަށް އިންޑިއާ ވަނީ އަޒުމު ކަނޑައަޅާފައެވެ.