އަމާން އުދަރެހުގެ 14 ވަނަ ޓަވަރުގެ 81 ޔުނިޓްގެ ތަޅުދަނޑު މިހާތަނަށް ހަވާލުކޮށް ނިމިފައިވާކަމަށާއި އަދި ބައެއް އާއިލާތަކުން މިހާރު ފްލެޓްތަކަށް ދިރިއުޅުން ބަދަލުކޮށްފައިވާކަމަށް ފަހި ދިރިއުޅުން ކޯޕަރޭޝަނުން ބުނެފިއެވެ.

ގެދޮރުވެރިޔާ ސްކީމްގައި ތަރައްޤީކޮށްފައިވާ ފްލެޓްތަކުގެ ތަޅުދަނޑު ހަވާލުކުރަން ފަށާފަވަނީ ހުސްވި ސެޕްޓެންބަރުމަހުގެ 5 ވަނަ ދުވަހުއެވެ.

Ad by Hajj Corporation

މެންދުރަށް މައުލޫމާތުދެމުން އޭރު ފަހި ދިރިއުޅުން ކޯޕަރޭޝަނުން ބުނެފައިވަނީ އެންމެ ފުރަތަމަ ދޫކުރާނީ އަމާން އުދަރެސްގެ 14 ވަނަ ޓަވަރުގެ ޔުނިތަށްކަމަށާއި އެ ޔުނިޓުތައް ހަވާލުކުރާއިރު ފިނިޝިންގ ގެ މަސައްކަތް ނިމި، ފެން، ކަނަރަންޓު އަދި ނަރުދަމާގެ ނިޒާމުވެސް ނިމިފައިވާނެ ކަމަށެވެ.

ފްލެޓްތައް ހަވާލުކުރުމުގެ އެންމެ ފަހުގެ އަދާހަމަ މައުލޫމާތު ހިއްސާކުރަމުން އެ ކޯޕަރޭޝަނުން މިއަދު ބުނީ އަމާން އުދަރެހުގެ 14 ވަނަ ޓަވަރުގެ 81 ޔުނިޓްގެ ތަޅުދަނޑު މިހާތަނަށް ހަވާލުކޮށް ނިމިފައިވާކަމަށެވެ.

އަމާން އުދަރެހުގައި ޖުމްލަ 16 ޓަވަރު ހިމެނޭއިރު އެއީ 2000 ހައުސިން ޔުނިޓްއެވެ. މި މަޝްރޫޢުގައި ހިމެނެނީ 2 ކޮޓަރީގެ ޔުނިޓްތަކާއި 3 ކޮޓަރީގެ ޔުނިޓްތަކެވެ. އެ ކޯޕަރޭޝަނުން ބުނީ ބާކީ ޔުނިޓްތައްވެސް ޑައުންޕޭމަންޓް ނިމެމުންދާވަރަކަށް ހަވާލުކުރަމުންދާނެކަމަށެވެ.

ފްލެޓްތަކުގެ ޑައުން ޕޭމަންޓް ސަރުކާރުން ކުޑަކޮށްދީފައިވާއިރު ފްލެޓްތަކަށް ގަވައިދުން ފައިސާ ދައްކާމީހުންނަށް ކުލިން ބޮޑެތި ޑިސްކައުންޓްތަކެއް ދިނުމަށްވެސް ސަރުކާރުންވަނީ ނިންމާފައެވެ.