ބައިނަލްއަގްވާމީ ގާނޫނުތަކާ ހިލާފަށް ހިފާފައިވާ ހުޅަނގު އައްސޭރި، އިސްރާއީލުގެ ތެރެއަށް ވެއްދުމުގެ ބިލު ޔަހޫދީންގެ ގާނުނު ހަދާ މަޖިީހުން ފާސްކޮށްފިއެވެ.

ބައިނަލްއަގްވާމީ ގާނޫނުތަކާ ހިލާފަށް އިސްރާއިލުން ހިފާފައިވާ ހުޅަނގު އައްސޭރި އާއި އިރުމަތީ ގުދުސްގައި މީހުން އާބާދުކުރުން ގިނަކުރުމުގެ މަސައްކަތް ޔަހޫދީ ގައިރު ގާނޫނީ ސަރުކާރުން ދަނީ ކުރަމުންނެވެ. ހިފާފައިވާ ސަރަހައްދުގައި އިސްރާއިލްގެ 7 ލައްކައެއްހާ މީހުން މިހާރުވެސަ ވަނީ ވަޒަންވެރިކޮށްފައެވެ.

Ad by Hajj Corporation

ޔަހޫދީންގެ މީޑިއާ ރިޕޯޓުތައް ބުނާގޮތުން ހުޅަނގު އައްސޭރި، އިސްރާއީލުގެ ތެރެއަށް ވެއްދުމުގެ ބިލު ފާސްކުރުމަށް 25 މެންބަރުން ވޯޓު ދިންއިރު ބިލާ ދެކޮޅު ހެދީ އެންމެ މެމްބަރެކެވެ.

ބިލު ފާސްކުރިއިރު މި ބިލާ މި ދަނޑިވަޅަށް ދެކޮޅު ކަމަށް ޔަހޫދީ ހައްދުފަހަނައެޅި ބޮޑުވަޒީރު ބެންޖަމިން ނަތަންޔާހޫ ވަނީ ބުނެފައެވެ.

ނަތަންޔާހޫގެ ލިކޫޑް ޕާޓީގެ ގިނަ މެންބަރުން މި ވޯޓުގައި ބައިވެރިވެފައެއް ނުވެއެވެ. ނަމަވެސް އެ ޕާޓީގެ ޔޫލީ އެޑެލްސްޓައިން ވަނީ ބޮޑުވަޒީރުގެ ނިންމުމާ ޚިލާފަށް ބިލަށް ތާއީދުކޮށް ނިންމުން ކަނޑައެޅި ވޯޓު ދީފައެވެ.

މިކަމާ ގުޅޭގޮތުން އެމެރިކާގެ ރައީސް ޑޮނަލްޑް ޓްރަމްޕްވެސް ވަނީ ހުޅަނގު އައްސޭރި، އިސްރާއީލުގެ ތެރެއަށް ވެއްދުމާ ދެކޮޅުކަމަށް ބުނެ ވާހަކަ ދައްކާފައެވެ.

ދެ އަހަރުވީ ޣައްޒާ ހަނގުރާމަ މެދުކަނޑައިލުމުގެ އެއްބަަސްވުމުގެ ފުރަތަމަ މަރުޙަލާއަށް އަމަލު ކުރަން ފަށާފައިވީ ނަމަވެސް، ޔަހޫދީން އަަދިވެސް އެއްކޮށް ހަނގުރާމަ ހުއްޓާލާފައެއް ނުވެއެވެެ.