އައްޑޫ ސިޓީއަށް ދިމާވެފައިވާ ކަރަންޓުގެ މައްސަލަ ހައްލުކުރުމަށް ކުރާ މަސައްކަތުގެ ތެރެއިން 1.8 މެގަ ވޮޓުގެ އައު 2 ޖެނެރޭޓަރު އެސިޓީއަށް ގެންދިއުމަށްޓަކައި ލޯޑު ކުރެވިފައިވާކަމަށް ފެނަކައިން ބުނެފިއެވެ.

އެ ކުންފުނިން ބުނީ މި ޖެނެރޭތަރުތައް ރާއްޖެ ގެނެސްފައިވަނީ މި މަހުގެ 21 ވަނަ ދުވަހުގައިކަމަށެވެ.

Ad by Hajj Corporation

އައްޑު އަށް ދިމާވެފައިވާ ކަރަންޓުގެ މައްސަލަ ހައްލުކުރުމުގެ ގޮތުން މި ދެ ޖެނެރޭޓަރު އައްޑުއަށް ގެންގޮސް އެ ސިޓީގެ ކަރަންޓު ވިއުގަ ގުޅާލުމުގެ މަސަައްކަތް އަވަހަށް ނިންމާލުމަކީ އެ ކުންފުނީގެ އަމާޒުކަމަށް ފެނަކައިން ބުނެއެވެ.

އައްޑޫގެ ކަރަންޓުގެ މައްސަލައަކީ މިއަދާ ޖެހެންދެންވެސް ހައްލު ނުވެ އޮތް މައްސަލައެކެވެ.

މި މައްސަލައަށް ދާއިމީ ހައްލު ހޯދުމަށް މީގެ ކުރިންވެސް ފެނަކައިން ގިނަ މަސައްކަތްތަކެއް ކޮށްފައިވާއިރު ހަލާކުވެފައިވާ ޖަނަރޭޓަރުތައް މަރާމާތުކުރުމާއި އައްޑޫގެ އިންޖީނުގޭގެ ވެންޓިލޭޝަން ރަނގަޅުކޮށް، ޖަނަރޭޓަރު ސެޓްތަކުގެ ޕަރފޯމަންސް އަދި ކެޕޭސިޓީ އިތުރުކުރުމުގެ މަސައްކަތްވެސް ވަނީ ކޮށްފައެވެ.