މާލެ-ހުޅުލެ-ހުޅުމާލެ ގުޅުވާލަދޭ ސިނަމާލެ ބްރިޖު މަތީގައި ހިނގި އެކްސިޑެންޓެއްގައި ސައިކަލެއްގައި ތިބި ދެ އަންހެނަކަށް އަނިޔާވެއްޖެއެވެ.

މި އެކްސިޑެންޓް ހިނގާފައިވަނީ ކާރަކާއި ސައިކަލެއް ޖެހިގެންނެވެ.

Ad by Hajj Corporation

ފުލުހުން ވިދާޅުވީ މި އެކްސިޑެންޓްގެ ރިޕޯޓް ލިބިފައިވަނީ ހޯމަ ދުވަހުގެ ރޭގަނޑު 10:17 އެހާކަންހާއިރު ކަމަށެވެ. އެކްސިޑެންޓް ހިނގާފައިވަނީ ސިނަމާލެ ބްރިޖު މާލެއިން ހުޅުމާލެއަށް ދަތުރުކުރާ ފަޅިން ދިޔަ ސައިކަލެއްގެ ފަހަތުން އައި ކާރެއް ޖެހިގެން ކަމަށް ފުލުހުންގެ މައުލޫމާތު ދެއެވެ.

މި ހާދިސާގައި އަނިޔާވެފައިވަނީ ސައިކަލުގައި ތިބި ދިވެހި ދެ އަންހެނުންނަށެވެ. އެ ދެމީހުންނަށް ވެފައިވާ އަނިޔާތަކަށް ހުޅުމާލޭ ހޮސްޕިޓަލުގައި ފަރުވާ ދެމުން އަންނައިރު، ފުލުހުން ވިދާޅުވީ އެ މީހުންނަށް ސީރިއަސް އަނިޔާއެއް ވެފައި ނުވާކަމަށެވެ.

މި އެކްސިޑެންޓާ ގުޅިގެން ކާރު ދުއްވި މީހާގެ ލައިސެންސް ވަނީ ވަގުތީ ގޮތުން ހިފަހައްޓާފައެވެ.

ފުލުހުން އިތުރަށް ވިދާޅުވީ މި މައްސަލަ މިހާރު ތަހުގީގު ކުރަމުންދާ ކަމަށެވެ.