ކްރިސްޓިއާނޯ ރޮނާލްޑޯ އާއި ކަރީމް ބެންޒެމާ ބައްދަލުކުރި ސައުދީ ކިންގް ކަޕްގެ ވަރުގަދަ މެޗު ފްރާންސްގެ ފޯވާޑް ބެންޒެމާގެ ޓީމު އަލް އިއްތިހާދަށް ކާމިޔާބުކޮށްފިއެވެ. އަލް އިއްތިހާދުން ވަނީ އަލް ނަޞްރު 2-1 ގެ ނަތީޖާއަކުން ބަލިކޮށް މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފައެވެ. މި ނަތީޖާއާއެކު ލީގުގައި ވަރުގަދަ ކުޅުމެއް ދައްކަމުން އަންނަ ޖޯޖް ޖީސަސްގެ އަލް ނަޞްރު ވަނީ ކަޕް މުބާރާތުން ބޭރުވެފައެވެ.

ސީޒަންގެ ފެށުން އެހާ ރަނގަޅު ނުވި ނަމަވެސް، ކަރީމް ބެންޒެމާ ވަނީ މުހިންމު ވަގުތެއްގައި އޭނާގެ ގޯލުޖެހުމުގެ ޤާބިލިއްޔަތު އަލުން ދައްކާލާފައެވެ. ފްރާންސްގެ މި ސްޓްރައިކަރު ވަނީ އަލް އިއްތިހާދަށް މެޗުގެ ފުރަތަމަ ގޯލު ޖަހައިދީފައެވެ. އޭނާގެ ގޯލާއެކު މިދިޔަ އަހަރުގެ ޗެމްޕިއަން އަލް އިއްތިހާދުގެ ކުޅުންތެރިންނަށް އިތުބާރު ލިބި، މެޗުގައި ޓީމުގެ ފަރާތުން ރަނޣަޅު ކުލުމެއް ވަނީ ފެނިގެންގޮސްފައެވެ.

Ad by Hajj Corporation

އަލް ނަޞްރުން މެޗުގެ ފުރަތަމަ ހާފުގައި ބްރެޒިލްގެ ފޯވާޑް އެންޖެލޯ ޖެހިގޯލަކުން ނަތީޖާ ހަމަހަމަކުރިއެވެ. ނަމަވެސް، އަލްޖީރިއާގެ މިޑްފީލްޑަރު ހައުސެމް ވަނީ ގޯލްކީޕަރު ޕްރެޑްރެގް ރާޖްކޮވިޗް ކައިރިން ވަރަށް ފަސޭހަކަމާއެކު ގޯލެއް ޖަހައި، އަލް އިއްތިހާދަށް އަލުން ލީޑު ނަގައިދީފައެވެ.

އަލް ނަޞްރުން ޖުމްލަ 22 ޝޮޓް ފޮނުވާލާފައިވާއިރު އަލް އިއްތިހާދުގެ ވަރުގަދަ ޑިފެންސް ފޫއަޅުވާލުމަށް އެ ޓީމަށް ވަނީ ނާކާމިޔާބުވެފައެވެ. މެޗުގެ ދެވަނަ ހާފުގެ ކުރީކޮޅު އިއްތިޙާދުގެ އަލް ޖުލައިދާންއަށް ރަތް ކާޑު ދެއްކުމާއެކު އަލް ނަޞްރުން މެޗުގެ ކޮންޓްރޯލް ނެގިއެވެ. ނަމަވެސް އިއްތިޙާދުން ވަނީ ޑިފެންސް ވަނީ ވަރަށް ބޮޑަށް ހިފަހައްޓާފައެވެ.

އަލް ނަޞްރު ކިންގްސް ކަޕުން ކެޓިނަމަވެސް، އެޓީމު އޮތީ ސަޢޫދީ ޕްރޯ ލީގުގެ އެއްވަނައިގައެވެ.