ކިލިއަން އެމްބާޕޭ އަށް މިދިޔަ ސީޒަނުގެ ޔޫރަޕުގެ އެންމެ ގިނަ ގޯލުޖެހި ކުޅުންތެރިޔާއަށް ދޭ ޔޫރަޕިއަން ގޯލްޑަން ޝޫ އެވޯޑް އަރުވައިފިއެވެ. ރެއާލްގެ ސްޓޭޑިއަމް ސެންޓީއާގޯ ބާނަބެއު ގައި ރޭގައި ވަނީ ކުލަގަދަ ރަސްމިއްޔާތަކާއެކު އެމްބާއްޕެ އަށް ގޯލްޑަން ބޫޓު އަރުވާފައެވެ. މި ރަސްމިއްޔާތުގައި ކްލަބްގެ އިސްވެރިންގެ ތެރެއިން ރައީސް ފްލޮރެންޓީނޯ ޕެރޭޒް، ކޯޗު ޒާބީ އަލޮންސޯ އަދި މެޑްރިޑް ސްކޮޑުގެ ގިނަ ފަރާތްތަކުން ބައިވެރިވިއެވެ.

މެޑްރިޑަށް ބަދަލުވުމަށްފަހު އެމްބާޕޭގެ ފުރަތަމަ ސީޒަން ކުލަބުގައި ދެޓްރޮފީ ހޯދާފައިވާއިރު، އޭނާގެ ފަރާތުން މިދިޔަ ސީޒަނުގައި ވަނީ މޮޅުކުޅުމެއް ފެނިގެންގޮސްފައެވެ. އެގޮތުން ލަލީގާގައި 31 ގޯލާއި، ހުރިހާ މުބާރާތަކުން ޖުމްލަ 44 ގޯލު ޖަހައިގެން، އޭނާ ވަނީ ޓީމުގެ އެންމެ މުހިންމު އެޓޭކިން ލީޑަރަށް ބަދަލުވެފައެވެ. މި ގޯލްޑަން ޝޫއާއެކު، އެމްބާޕޭ ވަނީ ރެއަލް މެޑްރިޑްގެ ތާރީޚުގައި ހޫގޯ ސަންޗޭޒް، ކްރިސްޓިއާނޯ ރޮނާލްޑޯ އަދި ރޮނާލްޑޯ ނަޒާރިއޯ ފަދަ ގޯލްޑަން ބޫޓު ހޯދި މަދު ކުޅުންތެރޭގައި ހިމެނިފައެވެ.

Ad by Hajj Corporation

މިއީ އެމްބާޕޭއަށް ލިބުނު އަމިއްލަ ކާމިޔާބީއެއް ނަމަވެސް، އޭނާ ވަނީ ޓީމު މަސައްކަތުގެ މުހިންމުކަން ފާހަގަކޮށްފައެވެ. ސޯޝަލް މީޑިއާގައި ހިއްސާކުރި މެސެޖެއްގައި، އޭނާ ވަނީ ޓީމުގެ ކުޅުންތެރިންނާއި ކްލަބުން ދިން އެއްބާރުލުމަށްޓަކައި ޝުކުރު އަދާކޮށްފައެވެ. އޭނާ ފާހަގަކުރެއްވި ގޮތުގައި، ރެއަލް މެޑްރިޑްގެ ހުދު ޖާޒީ ލުމަކީ "ކުޑައިރުއްސުރެ ދެކެމުން އައި ހުވަފެނެއް" ކަމަށާއި، މިއީ މެޑްރިޑާއި އޭގެ ސަޕޯޓަރުންނާ އޭނާއާ ދެމެދު އުފެދިފައިވާ ޚާއްސަ ގުޅުން ދައްކުވައިދޭ ކަމެކެވެ.