މާލޭ މީހުންނަށް ވެސް އެހެން ރަށްރަށުން ބިން ލިބޭނެގޮތް ވުން ބޭނުންތެރިކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ރައީސް ނަޝީދު މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ، ޒަމާނުއްސުރެ މާލެއަކީ ވަކި ބައެއްގެ ރަށެއް ނޫންކަން އެމަނިކުފާނު 2023 ވަނަ އަހަރު ލިޔުއްވައި ނެރުއްވި "ކިއްލާ މާލެ" ފޮތުގައި ވެސް ބަޔާންކޮށްފައިވާނެ ކަަމަށާއި،އެގޮތުން 1750 ވަނަ އަހަރު މާލޭގެ ބޯ ހިމެނުމުން ވެސް އޭރު މާލޭގައި ގިނައިން އުޅުނީ ސަރަހައްދީ ކަރަތަކުގެ މީހުންނާއި ރާއްޖޭގެ އެކި ރަށްރަށުގެ މީހުންކަން އެނގެން އޮތްކަން ވެސް އެމަނިކުފާނު ފާހަގަކުރެއްވި އެވެ.

Ad by Hajj Corporation

"މިހާރު ކެލާގެއިން ފެށިގެން މާވެޔޮ އަތިރީއާ ހަމައަށް އެއީ ކެލާ އެދުރުފާނު ގޯތި. އައްޑޫ ސިއްކަގެއީ މިހާރުގެ ސިއްކަގެއިން ފެށިގެން މާލޭ އުތުރު އަތިރިއަށް. މާލޭގައި ކޮންމެ ރަށަކަށްހެން ގެއެއް ހުންނާނެ. 1750ގައި ގިނަވާނީ ބަބުރުން، މަލާބާރު، ތުރުކީ، މިހެންގޮސް މިބާވަތުގެ ސަރަަހައްދީ ރަށްރަށުގެ މީހުން" ކުރީގެ ރައީސް މުހައްމަު ނަޝީދު

އެހެންކަމުން މާލޭގައި ބިން ދޫކުރަން އެންމެ ރަނގަޅުކަމަށް އަދިވެސް ފެންނަނީ "ވެށިފަހި މާލެ ޕްރޮގްރާމް" ގެ ދަށުން ކަމަށާއި އަދި މާލޭ މީހުންނަށް ވެސް އެހެން ރަށްރަށުން ބިން ލިބޭގޮތް ވުން ބޭނުންތެރިކަމަށް ރައީސް ނަޝީދު ވިދާޅުވި އެވެ.

މާލޭގެ ރަށްޔިތުންނަށް ރަށްރަށުން ބިން ދިނުމާ ގުޅޭ ގޮތުން ރައީސް ނަޝީދު ވާހަކަ ދެއްކެވި އިރު ނިމިގެން ދިޔަ އެމްޑީޕީގެ ވެރިކަމުގައި މާލޭގެ ރައްޔިތުންނަށް ހިލޭ ގޯތި ދިނުމުން ފާޑުކިއުން ސަރުކާރަށް ވަރަށް ބޮޑަށް އަމާޒުވި އެވެ.