އިނގިރޭސިވިލާތުގެ ލަންޑަންގައި ކުރިއަށްދާ ވޯލްޑް ޓްރެވަލް މާކެޓް (ޑަބްލިއު.ޓީ.އެމް) 2025 ގައި، ފަތުރުވެރިކަމާ ތިމާވެއްޓާބެހޭ ވަޒީރު ޠާރިޤް އިބްރާހީމް، ތުރުކީގެ ކަލްޗަރ އެންޑް ޓޫރިޒަމް މިނިސްޓަރު، މެހެމެތު އާސޮއީއާ ބައްދަލުކުރައްވާ، ދެޤައުމުގެ ފަތުރުވެރިކަމުގެ ދާއިރާގައި ގުޅުން ބަދަހިކުރުމާއި އައު ފުރުސަތުތަކާ ގުޅޭގޮތުން މުހިއްމު މަޝްވަރާތަކެއް ކުރައްވައިފިއެވެ.

މި ބައްދަލުވުމުގައި ދިވެހިރާއްޖެއާއި ތުރުކީއަކީ ގާތް ގުޅުމެއް އޮންނަ ދެ ޤައުމުކަމާއި، ތުރުކީއަކީ ދިވެހިރާއްޖޭގެ މުހިންމު ބައިވެރިއެއްކަން ފާހަގަކުރެވުނު ކަމަށާއި ދެ ޤައުމުގެ ފަތުރުވެރިކަމުގެ ދާއިރާގައި އައު ކުރިއެރުންތައް ހޯދުމަށް ގުޅިގެން މަސައްކަތްކުރުމަށް މަޝްވަރާކުރެވިފައިވާކަމަށް ރިޕޯޓުތައް ބުނެއެވެ. މި މަޝްވަރާތަކުގެ ތެރޭގައި ފަތުރުވެރިކަން އިތުރަށް ކުރިއެރުވުމަށާއި، ދެ ޤައުމުގެ ފަތުރުވެރިކަމުގެ ވިޔަފާރިތަކަށް އައު ފުރުސަތުތައް ހޯދުމަށް މަގުފަހިކުރެވިފައިވެއެވެ.

Ad by Hajj Corporation

ޑަބްލިއު.ޓީ.އެމް 2025 އަކީ ދުނިޔޭގެ ފަތުރުވެރިކަމުގެ ސިނާއަތުގެ އެންމެ ބޮޑެތި އިވެންޓުތަކުގެ ތެރެއިން އެއް އިވެންޓަށް ވާތީ، މި ބައްދަލުވުމުގެ ސަބަބުން ދިވެހިރާއްޖެއާއި ތުރުކީއާ ދެމެދު އޮންނަ ގުޅުން އިތުރަށް ވަރުގަދަވެ، ދެ ޤައުމުގެ އިޤްތިޞާދީ ގުޅުމަށް މުހިންމު ކުރިއެރުންތަކެއް ލިބިގެންދާނެކަމަށް ބެލެވެއެވެ.

މި މަޝްވަރާތަކުގެ ނަތީޖާއެއްގެ ގޮތުން ދެ ޤައުމުގެ ފަތުރުވެރިކަމުގެ ސިނާއަތަށް އާ އުންމީދުތަކެއް ގެނެސްދޭނެކަމަށް ވެސް އުންމީދުކުރެވެއެވެ.