ފަލާހް ޕްރީ ސްކޫލުން އިންތިޒާމްކޮށްގެން ،ޖަމްޢިއްޔަތުލް ފަލާހްގެ ބާނީ އަލްމަރްހޫމް އަބޫބަކުރު އިބްރާހިމްގެ ހަނދާނުގައި ބާއްވާ ތުއްތު ކުދިންގެ ކީރިތި ޤުރްއާން ކިޔެވުމުގެ 23 ވަނަ މުބާރާތް މިއަދު ހެނދުނު ފަށައިފިއެވެ.

މި މުބާރާތް ހުޅުވާލެވިފައިވަނީ މާލެ، ވިލިމާލެ އަދި ހުޅުމާލެ ހިމެނޭ ގޮތަށް ހުރިހާ ޕްރީސްކޫލް ތަކަކަށެވެ.

Ad by Hajj Corporation

މުބާރާތުގައި ކޮންމެ ސްކޫލަކުން ބައިވެރިވެވޭނީ 5 ދަރިވަރުންނަށެވެ. އެގޮތުން 15 ސްކޫލަކުން ޖުމްލަ 74 ދަރިވަރުން ވަނީ މި ބާރާތުގައި ބައިވެރިވެފައެވެ.

މި މުބާރާތުގައި ކިޔެވުމަށް ހަމަޖެހިފައިވަނީ ނުބަލާ ކިޔެވުމުގެ ގޮފިން އެކަންޏެވެ.

މި މުބާރާތުގެ މަޤްސަދަކީ، ދަރިވަރުންގެ މެދުގައި ކީރިތި ޤުރްއާނަށް ލޯބި ޖެއްސުމާއި ކީރިތި ޤުރްއާން ހިތުދަސްކުރުމަށް ހިއްވަރު ދިނުމާއި،ތަޖުވީދުގެ ހަމަތަކާ އެއްގޮތަށް ކީރިތި ޤުރްއާން ކިޔަވަން ދަންނަ ގިނަ ދަރިވަރުންތަކެއް އުފެއްދުން ކަމުގައި އެ ސްކޫލުން ވަނީ ބުނެފައެވެ.