ހުޅުމާލެ ހޮސްޕިޓަލުގެ ޚިދުމަތްތަކަށް ދިވެހި ފައިސާގެ ނޫޓު ބަލައިގަތުން މެދުކަނޑާލީ ކޮވިޑްތެރޭގައި އެމްޑީޕީގެ ވެރިކަމުގައިކަން އެނގިއްޖެއެވެ.

ފިނޭންސް މިނިސްޓްރީން އަންގައިގެން ހުޅުމާލެ ހޮސްޕިޓަލުގެ ޚިދުމަތްތަކަށް ދިވެހި ފައިސާގެ ނޫޓު ބަލައިގަތުން މެދުކަނޑާލާފައިވާކަމަށްބުނެ ވާހަކަފެތުރެމުންދާއިރު މެންދުރަށް އެނގިފައިވާގޮތުން ހުޅުމާލެ ހޮސްޕިޓަލުގެ ޚިދުމަތްތަކަށް ދިވެހި ފައިސާ ބަލައިގަތުން މެދުކަނޑާލީ އެމްޑީޕީގެ ވެރިކަމުގައި ކޮވިޑުތެރޭގައި އޭރުގެ ފިނޭންސް މިނިސްޓްރީން އަންގައިގެންނެވެ.

Ad by Hajj Corporation

އެއިރުން ފެށިގެން އެ ހޮސްޕިޓަލުން އަމަލުކުރަމުން އަންނަނީ މިގޮތަށްކަން ވަނީ އެނގިފައެވެ.

އެނގިފައިވާގޮތުގައި އެ އުސޫލާ އެއްގޮތަށް ހުޅުމާލެ ހޮސްޕިޓަލުގެ ޚިދުމަތްތަކަށް ފައިސާ ދައްކަމުން މިހާރު އަންނަނީ ބަނޑޭރި ޕޭ މެދުވެރިކޮށް ނުވަތަ ކާޑުންނެވެ.

ނަން ހާމަކުރުމަށް ބޭނުންނުވާ ސަރުކާރުގެ އޮފިޝަލަކު ވިދާޅުވީ މިފަދަ ވާހަކަތައް އެމްޑީޕީން ދައްކަނީ ސަރުކާރުގެ އަގު ވައްޓާލައި ރައްޔިތުންނަށް ދެމުން އަންނަ ހިދުމަތްތަކަށް ހުރަސް އެޅުމަށްކަމަށެވެ.

އަދި މިފަދަ ކަންކަމަކީ އެމްޑީޕީ ސަރުކާރުން ކޮށްފައިވާ ކަންކަންކަމަށް އޮފިޝަލް ވިދާޅުވިއެވެ.