ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) އާއި މޯލްޑިވްސް ޕޯޓްސް ލިމިޓެޑް (އެމްޕީއެލް) އާ ދެމެދު މެރިޓައިމް ތަޢުލީމާއި ތަމްރީނު އަދި ދިރާސާގެ ދާއިރާއިން ގުޅުން ބަދަހިކުރުމަށް ފަހުމުނާމާއެއްގައި ސޮއިކޮށްފިއެވެ.

މި އެއްބަސްވުމުގެ ދަށުން ރާއްޖޭގެ މެރިޓައިމް ދާއިރާ ކުރިއެރުވުމަށް ދެ މުއައްސަސާގެ ދެމެދުގައި އެކަޑަމިކް އަދި ޕްރޮފެޝަނަލް ގުޅުންތައް ބަދަހިކުރުމުގެ އޮނިގަނޑެއް އެކުލަވާލާނެއެވެ.

Ad by Hajj Corporation

ފަހުމުނާމާގައި، އެމްއެންޔޫގެ ފަރާތުން ސޮއިކުރެއްވީ ވައިސް ޗާންސެލަރ ޑޮކްޓަރ ޢާއިޝަތު ޝެހެނާޒް އާދަމެވެ. މި ޕާޓްނަރޝިޕްގެ ދަށުން އެމްއެންޔޫ އާއި އެމް.ޕީއެލް ގުޅިގެން ކުރެވިދާނެ ތަފާތު ދާއިރާތަކުގެ ތެރޭގައި އެކަޑަމިކް އަދި ޓެކްނިކަލް މަޢުލޫމާތު ބަދަލުކުރުމާއި، ޖޮއިންޓް ރިސަރޗް އިނީޝިއޭޓިވްސްއާއި، ސެމިނަރތަކާއި، ކޮންފަރެންސްތަކާއި، މެރިޓައިމް އެޑިޔުކޭޝަން އެންޑް އޮޕަރޭޝަންސްއާ ގުޅޭ ތަމްރީނު ޕްރޮގްރާމްތަކުގައި ބައިވެރިވުމާއި، ބެސްޓް އިންސްޓިޓިއުޝަނަލް ޕްރެކްޓިސްތައް ޙިއްޞާކުރުން ހިމެނެއެވެ. މީގެ އިތުރުން މެރިޓައިމް އެޑިޔުކޭޝަން އަދި ޓްރެއިނިންގ ޕްރޮގްރާމްތައް ޖޮއިންޓް ޑިވެލޮޕްމަންޓް، ޑެލިވަރީ އަދި ރިވިއު ކުރުން ވެސް މި ފަހުމުނާމާގެ ދަށުން ކުރިއަށް ގެންދާނެއެވެ.

މި ފަހުމުނާމާގެ ސަބަބުން ޤައުމީ ތަރައްޤީއާއި އިޤްތިޞާދީ ކުރިއެރުމަށް އެހީތެރިވެދޭ ޕްރޮގްރާމްތައް ތަރައްޤީކުރުމަށް ކުރަމުންދާ މަސައްކަތްތަކަށް އިތުރު ކުރިއެރުމެއް ލިބިގެންދާނެ ދާނެ ކަމަށް އެމްއެންޔޫ އިން ބުނެއެވެ.