ހަފްތާއެއް ތެރޭ 29,321.9 ފްރައިޓް ޓަނުގެ މުދާ މޯލްޑިވްސް ޕޯޓްސް ލިމިޓެޑް - އެމްޕީއެލްއިން ކްލިއަރކޮށްފިއެވެ.

އެމްޕީއެލްއިން ބުނީ، މިހިނގާ ފެބްރުއަރީ މަހުގެ 15 އިން ފެބްރުއަރީ މަހުގެ 21 އަށް ކޮންޓެއިނަރ ވެސަލްތަކުން ޖުމުލަ 26469.21 ފްރައިޓް ޓަނުގެ މުދާ އަދި ޖެނަރަލް ކާގޯ ވެސަލްތަކުން 2852.78 ފްރައިޓް ޓަނުގެ މުދާ ކްލިއަރކޮށްފައިވާ ކަމަށެވެ.

Ad by Hajj Corporation

އެއީ އެކު ޖުމުލަ 29,321.99 ފްރައިޓް ޓަނުގެ މުދަލެވެ.

މީގެ އިތުރުން ކޮންޓެއިނަރ ވެސަލްތަކުން ޒަރީރީ ތަކެތީގެ 946 ފްރައިޓް ޓަން މުދަލާއި ޖެނަރަލް ކާގޯ ވެސަލްތަކުން 434 ފްރައިޓް ޓަން މުދާ ކްލިއަރކޮސްފައިވާ ކަމަށެވެ.

މިމުއްދަތުގައި ރާއްޖެއަށް އައި މުދާ އުފުލާ އުޅަނދުގެ ތަފާސްހިސާބުތައްވެސް އެމްޕީއެލްއިން ވަނީ ހިއްސާކޮށްފައެވެ. އެއީ 8 ޖެނަރަލް ކާގޯ ވެސަލް އަދި 2 ކޮންޓެއިނަރ ވެސަލްއެވެ.

އެމްޕީއެލްއިން ވަނީ ކްލިއަރކުރި ކާބޯތަކެތީގެ ތަފާސްހިސާބު ހިމެނޭ ލިސްޓެއްވެސް ހިއްސާކޮށްފައެވެ.