ފުވައްމުލައް ސިޓީއަށް ދިމާވި ފެނުގެ މައްސަލަ ހައްލުކޮށް، އެކި ސަރަހައްދުތަކަށް ފެން ދޫކުރަން ފަށައިފައިވާ ކަމަށް ފެނަކަ ކޯޕަރޭޝަނުން ބުނެފި އެވެ.

ފެން ތަޣައްޔަރުވުމުގެ ސަބަބުން ފުވައްމުލައް ސިޓީން ވަނީ މިދިޔަ ހޯމަ ދުވަހުން ފެށިގެން ފެނުގެ ހިދުމަތް މެދުކެނޑިފައެވެ.

Ad by Hajj Corporation

ފެނަކައިން މިއަދު ބުނީ ރެއިން ފެށިގެން އެ ސިޓީގެ އެކި ސަރަހައްދުތަކަށް ފެން ދޫކުރަމުންދާ ކަމަށެވެ. މިހާރު ފެން ދޫނުކުރެވި ހުރީ ކްރޮސް ކަނެކްޝަން ހަދާފައިވާ ގޭބިސީތަކަށް އެކަނި ކަމަށާއި، އެ ގޭގެއަށް ވެސް މިއަދު ފެން ދޫކުރެވޭނެ ކަމަށް އެކޯޕަރޭޝަނުން ވަނީ ބުނެފައެވެ.

މީގެ އިތުރުން ފެން ތަޣައްޔަރުވި މައްސަލަ ހައްލުކޮށް، އަލުން ގޭގެއަށް ފެން ދޫކުރަން ފަށައިފައި ވަނީ މޯލްޑިވްސް ފުޑް އެންޑް ޑްރަގް އޮތޯރިޓީން ތަހުލީލުކޮށް، ފެން ބޭނުން ކުރުން ރައްކާތެރިކަން ކަށަވަރުކޮށް ހުއްދަ ލިބިގެން ކަމަށް ވެސް ފެނަކައިން ބުނެފައި ވެއެވެ.