އާލިން ހާލަންޑް ދެވަނަ ހާފުގައި ޖެހި ދެ ގޯލާއެކު، ނޯވޭ ޓީމުން އިޓަލީގެ މައްޗަށް 4-1 ގެ ބޮޑު މޮޅެއް ހޯދައި، 2026 ވަނަ އަހަރުގެ ވޯލްޑްކަޕަށް ކޮލިފައިވެއްޖެއެވެ. މި މެޗު ކުޅުނީ އިޓަލީގެ ސަން ސީރޯ ސްޓޭޑިއަމްގައެވެ. ނޯވޭއިން ވަނީ ކޮލިފައިންގ މުބާރާތުގެ ގްރޫޕް އައިގެ އެއްވަނަ ހޯދާފައެވެ.

މި މެޗުގެ ކުރިން ވެސް ނޯވޭ ޓީމަށް ވޯލްޑްކަޕުގެ ޖާގައެއް ލިބިފައިވާކަން ކަށަވަރުވެފައި އޮތް ނަމަވެސް، އެ ޓީމުގެ އަމާޒަކަށްވީ ކޮލިފައިންގ މުބާރާތް އެއްވެސް މެޗަކުން ބަލިނުވެ ނިންމާލުމެވެ. މެޗުގެ 11 ވަނަ މިނެޓުގައި އިޓަލީން ވަނީ ލީޑު ނަގާފައެވެ.

Ad by Hajj Corporation

ދެވަނަ ހާފު ފެށުމާއެކު ނޯވޭއިން ވަނީ ކުޅުން ރަނގަޅުކޮށް ފަހަތުން އަރައި ހަތަރު ގޯލުޖަހާފައެވެ.މީގެ ތެރެއިން ދެގޯލު ކާމިޔާބުކޮށްދިނީ ހާލަންޑް އެވެ.

އަންނަ އަހަރުގައި ވޯލްޑްކަޕް ގެ ޖާގައެއް ކަށަވަރުކުރުމަށްޓަކައި އިޓަލީއިން ޖެހޭނީ ޕްލޭއޮފް ކުޅޭށެވެ.