އިގްތިސާދީވަޒީރަކު ޗެއާ ކަމުގައި ހުރުމަކީ ޕާޓީން ވިޔަފާރި ކުރަންޖެހޭކަމެއްތޯ ބުނެ އެމްޑީޕީގެ ކުރީފެ ޗެއާޕާސަން ރީކޯ މުސާ ސުވާލު އުފައްދަވައިފިއެވެ.

މޫސާ މަނިކު މިމޭރުމުން ސުވާލު އުފައްދާފައިވަނީ އެމްޑީޕީގެ 4 ވަނަ ގައުމީ މަޖިލީހުގެ 16 ވަަނަ ބައްދަލުވުމުގައި އެ ޕާޓީގެ ޗެއާޕާސަން ފައްޔާޒު އިސްމާއިލް ހުށައެޅުއްވި ހުށައެޅުއްވުމަކަށް ރިއާޔަތް ކުރައްވަމުންނެވެ. މޫސަ އެކްސް ގައި ކުރެއްވި ޕޯސްޓެއްގައި ވިދާޅުވީ އެމްޑީޕީ އަކީ ރާއްޖޭގެ ރައްޔިތުންނަށް ވަރަށް މުހިއްމު ސިޔާސީ މަސައްކަތްތަކެއްކޮށް ރާއްޖެ ބަދަލު ކުރި ޕާޓީއެއްކަމަށެވެ. އަދި މޫސަ އެ ޕާޓީގެ ޗެއަޕާސަން ކަމުގަ ހުންނެވި އިރު ޕާޓީން ފިލްމު ހަދައި ވިއްކާ ޕާޓީގެ އެހެން މެންބަރުންނަށް އެކްޓު ކުރުމަށް އަންގާފައި ނުވާނެކަމަށް ވެސް މޫސަ ވަނީ ވިދާޅުވެފައެވެ.

އެމްޑީޕީގެ ގައުމީ މަޖިލީހުގެ ވަނަ ބައްދަލުވުމުގައި އެޖެންޑާ ކުރި ކަންކަމުގެ ތެރެއިން ފައްޔާޒު ވަނީ ޕާޓީން ވިޔަފާރި ކުރުމަށް ޤާނޫނީ ނިޒާމަށް ބަދަލު ގެނެސް ދެއްވުމަށް ހުށައަޅުއްވާފައެވެ. މި ހުށަހެޅުއްވުމަކީ އެމްޑީޕީގެ މާލީ ހާލަތު މިހާރަށް ވުރެ ރަނގަޅުކުރުމުގެ ގޮތުން ސިޔާސީ ފާޓީ ތަކުގެ ގާނޫނުގެ ތެރެއިން ވިޔަފާރި ކުރެވޭނެ ނިޒާމެއް ގާއިމް ކުރެއްވުމަށް ހުށައެޅުއްވި ބަަދަލެއްކަމަށް ވެސް ފައްޔާޒު ވަނީ ވިދާޅުވެފައެވެ.