ހުޅުމާލޭގެ ފުރަތަމަ ފިޔަވަހީގެ ބައެއް ސަރަހައްދުތަކުން މިއަދު ކަރަންޓު ކެނޑުނު މައްސަލަ ހައްލުކުރަމުން ދަނިކޮށް އަލިފާނުގެ ހާދިސާއެއް ހިނގައި އެކިވަރުގެ އަނިޔާވެ ސްޓެލްކޯ މުވައްޒަފަކަށް ފަރުވާ ދޭން ފަށައިފިއެވެ.

ކަރަންޓު ކެނޑެން މެދުވެރިވި ސަބަބެއްކަމަށް ސްޓެލްކޯއިން ބުނެފައިވަނި ހުޅުމާލެ ބާ އިންޖީނު ގޭގެ މީޑިއަމް ވޯލްޓޭޖް ޕެނަލަކަށް ދިމާވި މައްސަލައަކާ ގުޅިގެން ކަމަށެވެ. މިކަމާ ގުޅިގެން މާލެއާއި ހުޅުމާލެއަށް ކަރަންޓު ދޭން ބޭނުންކުރާ ބައެއް ފީޑަރުތައް ނިވި ކަރަންޓު ނުލިބި ބައެއް ހިސާބުތަކަށް 2 ގަޑިއިރުވެސްވިއެވެ.

Ad by Hajj Corporation

ނަމަވެސް ހުޅުމާލޭގެ ބައު އިންޖީނުގޭގެ ސްވިޗް ގިއަރ އަކަށް ދިމާވި މައްސަލައެއް ހައްލު ކުރަމުން ދަނިކޮށް، އަލިފާނުގެ ހާދިސާއެއް ހިނގައި ކުންފުނީގެ މުވައްޒަފަކަށް އެކި ވަރުގެ އަނިޔާތަކެއް ލިބިގެން މިހާރު ދަނީ ހުޅުމާލެ ހޮސްޕިޓަލުގައި ފަރުވާ ދެމުންކަމަށް އެ ކުންފުނިން ހާމަކުރެއެވެ.

މާލެ ސަރަހައްދުން ކަރަންޓު ކެނޑުނުއިރު މި ފަހުން ދެ ފަހަރެއްގެ މަތިން މުޅި މާލެ ސަރަހައްްދުން ކަރަންޓު ކެނޑިފައިވެއެވެ. ނަމަވެސް ސްޓެލްކޯއިންވަނީ މައްސަލަ ހައްލުކޮށްފައެވެ.