ކްރިމިނަލް ކޯޓުގެ ގާޒީއެއް މަގާމުން ވަކިކުރަން ހުށަހަޅަން ނިންމާފައިވާ ކަމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން ބުނެފިއެވެ.

އެ ކޮމިޝަނުން ނެރުނު ނޫސްބަޔާނެއްގައި ބުނެފައިވަނީ ވަކިކުރަން ހުށަހަޅަން ނިންމާފައިވަނީ އަލްއުސްތާޛު ޙުސައިން ފާއިޒް ރަޝާދު ކަމަށާއި އޭނާ ވަކިކުރަން ހުށަހަޅަން ނިންމީ މައްސަލައެއްގައި ފުލުހުންގެ ބެލުމުގެ ދަށަށްގެނެވުނު ފަރާތެއްގެ ބަންދާމެދު ގޮތެއް ކަނޑައެޅުމުގައި ޤާނޫނުއަސާސީ އާއި ޤާނޫނުތަކާއި ޚިލާފަށް އަމަލުކޮށްފައިވާކަން ސާބިތުވާތީ ކަމަށެވެ.

Ad by Hajj Corporation

ޖޭއެސްސީގެ ބަޔާނުގައި ބުނެފައިވަނީ އަލްއުސްތާޛު ފާއިޒް ރަޝާދުގެ މި ޢަމަލަކީ، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 142 ވަނަ މާއްދާއާއި، ދިވެހިރާއްޖޭގެ ފަނޑިޔާރުންގެ ޤާނޫނުގެ 33 ވަނަ މާއްދާގެ (ށ) އާއި، ފަނޑިޔާރުންގެ ސުލޫކީ މިންގަނޑުގެ 1.1 އާއި، 2.1 އާއި، 3.1 ގައި ކަނޑައަޅާފައިވާ މިންގަނޑާ ޚިލާފު ޢަމަލެއްކަމަށްވާތީ އޭނާ ފަނޑިޔާރުކަމުން ވަކިކުރަން މަޖިލީހަށް ހުށަހަޅަން ކޮމިޝަންގެ މި އަހަރުގެ 46 ވަނަ ޖަލްސާގައި ނިންމާފައިވާ ކަމަށެވެ.