މަސްވެރިކަމަށް ޙާއްސަ ތަމްރީންތަކެއް ފުވައްމުލަކުގައި ހިންގުމަށް މަޝްވަރާކުރައްވައިފިއެވެ.

ވަޒީރު އަޙްމަދު ޝިޔާމާއި ފުވައްމުލަކު ސިޓީގެ މޭޔަރު އިސްމާއިލް ރަފީގާއި އެކު މިއަދު ކުރިއަށް ދިޔަ ބައްދަލުވުމުގައި ވަނީ ކަނޑައިގެން ގޮސްފައިވާ ކަނދުފަތިތައް ހަރުކުރުމާއި ފުވައްމުލަކުގައި ތުތި ބޯވާދިލަމަހުގެ މަސްވެރިކަން ކުރުމަށް ޝައުގުވެރިވާ ފަރާތްތަކަށް ތަމްރީނު ދިނުމަށް މަޝްވަރާކުރައްވާފައެވެ.

އަދި ސްޕޯޓްސް ފިޝިންގ ދާއިރާގައި ހަރަކާތްތެރިވާ ފަރާތްތަކަށް އެހީތެރިކަން ފޯރުކޮށްދިނުމަށް ވެސް މިބައްދަލުވުމުގައި ވަނީ މަޝްވަރާ ކުރައްވާފައެވެ.

ތުތިބޯވަދިލަމަސް ބޭނުމާއި ބެހޭ ގޮތުން ރާއްޖޭގައި އޮނިގަނޑެއް އެކުލަވާލައި އެއަށް ދަނީ އަމަލުކުރަމުންނެވެ. އެގޮތުން މިބާވަތުގެ ބޯވަދިލަމަސް ބާނައި އެތަކެތި ގެންގުޅޭނެ ރައްކާތެރި ގޮތްތައް މިއޮނިގަނޑުގައި އެކުލަވާފައިވެއެވެ.