ކައުންސިލާއި ޑަބްލިއުޑީސީ އިންތިޚާބުގެ ޕީއެންސީގެ ކެމްޕެއިން މެނޭޖަރަކަށް ފަލާޙް
30 ނޮވެމްބަރު 2025 - 06:12

ކުރިއަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބަށް، ސަރުކާރު ހިންގާ ޕާޓީ، ޕީއެންސީގެ ކެމްޕެއިން މެނޭޖަރެއްގެ ގޮތުގައި އެ ޕާޓީގެ ޕާލިމެންޓްރީ ގްރޫޕްގެ ލީޑަރު އަދި ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހިމް ފަލާހް ހަމަޖައްސައިފިއެވެ.
ރާއްޖޭގައި މިފަހުން ބޭއްވި ގާތްގަނޑަކަށް ހުރިހާ އިންތިޚާބެއްގައި ވެސް ބޮޑު ކާމިޔާބީއެއް ހޯދި ޕީއެންސީން އަންނަނީ ކުރިއަށް އޮތް ލޯކަލް ކައުންސިލް އިންތިޚާބާއި ޑަބްލިއުޑީސީ އިންތިޚާބަށް ވެސް ވަރަށް ރަނގަޅަށް ތައްޔާރުވަމުންނެވެ.

Ad by Hajj Corporation
ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބު ބާއްވާނީ އަންނަ އަހަރުގެ މާޗް މަހުގެ 28 ވަނަ ދުވަހުއެވެ.
އަދި އިންތިހާބަށް ކުރިމަތިލާ ބައިވެރިން ފޯމު ހުށަހެޅުމަށް އަންނަ އަހަރު ޖެނުއަރީ މަހުގެ 17 ވަނަ ދުވަހު ހުޅުވާލާނެއެވެ.
މިހާރުވެސް އިންތިހާބުގައި ވާދަކުރަން ބޭނުންވާ ފަރާތްތަކުން އެކަން މީސް މީޑިއާގައި ދަނީ އިއުލާން ކުރަމުންނެވެ.


